taj-mahal

āriz-e-vaqt pe aañsū kā laraztā qatra

jis ne patthar ko mohabbat ke sikhā.e andāz

chāñdnī jis ko uḌhātī hai sunahrā āñchal

hūreñ hasrat-bharī nazroñ se jise taktī haiñ

sa.png-e-marmar meñ dhulā shaah kā pyārā sapnā

sat.h-e-jamunā pe khilā ho koī pyārā sā kañval

kisī āshiq kī hasīñ yaad kā hai aks-e-jamīl

kisī kāġhaz pe musavvir ke ḳhayāloñ kā jamāl

kisī dīvāne ke ḳhvāboñ kī ye ta.amīr-e-hasīñ

kisī aazar kā tarāshā huā ḳhāmosh sanam

yā kisī shā.er-e-mad.hosh kī rangīn ġhazal

mahv-e-ārām hai jis meñ koī 'mumtāz' mahal

ahl-e-ulfat kī nishānī hai yahī tāj-mahal

aariz-e-waqt pe aansu ka larazta qatra

jis ne patthar ko mohabbat ke sikhae andaz

chandni jis ko uDhati hai sunahra aanchal

huren hasrat-bhari nazron se jise takti hain

sapng-e-marmar mein dhula shah ka pyara sapna

sath-e-jamuna pe khila ho koi pyara sa kanwal

kisi aashiq ki hasin yaad ka hai aks-e-jamil

kisi kaghaz pe musawwir ke KHayalon ka jamal

kisi diwane ke KHwabon ki ye tamir-e-hasin

kisi aazar ka tarasha hua KHamosh sanam

ya kisi shaer-e-madhosh ki rangin ghazal

mahw-e-aram hai jis mein koi 'mumtaz' mahal

ahl-e-ulfat ki nishani hai yahi taj-mahal