taj-mahal banaenge

chāñd sitāroñ kī duniyā meñ ik din ham bhī jā.eñge

nannhī-munnī pyaar kī duniyā mil kar vahāñ basā.eñge

sone chāñdī kī īñToñ ko DhūñD ke lā.eñge tāj-mahal banvā.eñge

chandā-māmā kī nagrī meñ phuul kahāñ se aa.egā

raunaq apne tāj-mahal kī āḳhir kaun baḌhā.egā

apne des se ham phūloñ ko chun-chun kar le jā.eñge tāj-mahal banvā.eñge

des meñ chandā ke milte haiñ ai ammī kyā ye bhī phal

jāmun kelā aam sapāTū nārañgī kaT.hal barhal

milte haiñ to kah do varna āḳhir ham kyā khā.eñge tāj-mahal banvā.eñge

paanī to mil hī jā.egā us kī koī fikr nahīñ

hogā us pyārī duniyā meñ bādal kā bhī des kahīñ

khod ke nahreñ bādal hī ko us meñ lā baiThā.eñge tāj-mahal banvā.eñge

sub.h-savere koyal koī giit vahāñ bhī gaatī hai

phūloñ kī Daalī pe chiḌiyā baiTh ke phir uḌ jaatī hai

jab ye chiiz nahīñ to āḳhir lutf vahāñ kyā pā.eñge tāj-mahal banvā.eñge

apne des kī pyārī chīzoñ kā milnā jab mushkil hai

des meñ chandā ke jo jaa.e samjho us ko jāhil hai

chhoḌ ke saarī duniyā ko ham apnā des basā.eñge tāj-mahal banvā.eñge

chand sitaron ki duniya mein ek din hum bhi jaenge

nannhi-munni pyar ki duniya mil kar wahan basaenge

sone chandi ki inTon ko DhunD ke laenge taj-mahal banwaenge

chanda-mama ki nagri mein phul kahan se aaega

raunaq apne taj-mahal ki aaKHir kaun baDhaega

apne des se hum phulon ko chun-chun kar le jaenge taj-mahal banwaenge

des mein chanda ke milte hain ai ammi kya ye bhi phal

jamun kela aam sapaTu narangi kaThal barhal

milte hain to kah do warna aaKHir hum kya khaenge taj-mahal banwaenge

pani to mil hi jaega us ki koi fikr nahin

hoga us pyari duniya mein baadal ka bhi des kahin

khod ke nahren baadal hi ko us mein la baiThaenge taj-mahal banwaenge

subh-sawere koyal koi git wahan bhi gati hai

phulon ki Dali pe chiDiya baiTh ke phir uD jati hai

jab ye chiz nahin to aaKHir lutf wahan kya paenge taj-mahal banwaenge

apne des ki pyari chizon ka milna jab mushkil hai

des mein chanda ke jo jae samjho us ko jahil hai

chhoD ke sari duniya ko hum apna des basaenge taj-mahal banwaenge