talib-e-ilm

ham-nashīñ pūchh na landan meñ mashāġhil mere

goyā hālāt nahīñ zikr ke qābil mere

ghar se niklā thā paḌhā.ī kī tamanna le kar

dil meñ machle hue armānoñ kī duniyā le kar

Bar karne kā bahut jald irāda kar ke

apne māñ-bāp se do saal kā vā'da kar ke

dāḳhila milne meñ lekin jo zarā der huī

goyā ye kahiye ki taqdīr ulaT pher huī

bore hotā thā sub.h-o-shām akelā ghar meñ

dard rahtā thā ḳhayālāt se mere sar meñ

dil bahut jab ġham-e-tanhā.ī se ghabrātā thā

to zarā sair-e-gulistāñ ko nikal jaatā thā

ek din yūñhī jo gul-gasht-e-chaman ko niklā

dard se chuur mudāvā-e-mehan ko niklā

dekhtā kyā huuñ ki ek bench pe chashme ke qarīñ

mahv-e-nazāra-e-fitrat hai koī zohra-jabīñ

us ke nazdīk maiñ chupke se vahīñ baiTh gayā

but-shikan jaise koī but ke qarīñ baiTh gayā

baat mausam se jo niklī to mohabbat pe ga.ī

lazzat-e-vasl se baḌh kar ġham-e-furqat pe ga.ī

ḳharch karne ke liye ghar se raqam aatī thī

foreign exchange ke permit pe go kam aatī thī

ham piccadily pe har ik shaam milā karte the

biich bāzār sar-e-'ām milā karte the

maġhribī raqs mujhe go ki nahīñ aatā thā

us ne ik din meñ sikhā Daalā magar chā chā chā

roz kamre meñ slow waltz kiyā kartā thā

maiñ mai-e-husn ko chakh chakh ke piyā kartā thā

vo ga.ī aur milī phir vo ga.ī aur milī

baa'z auqāt bahut jald va fil-faur milī

ab ye 'ālam hai ki bas ḳhūn-e-jigar piitā huuñ

zindagī maut se bad-tar hai magar jiitā huuñ

ham-nashin puchh na landan mein mashaghil mere

goya haalat nahin zikr ke qabil mere

ghar se nikla tha paDhai ki tamanna le kar

dil mein machle hue armanon ki duniya le kar

Bar karne ka bahut jald irada kar ke

apne man-bap se do sal ka wa'da kar ke

daKHila milne mein lekin jo zara der hui

goya ye kahiye ki taqdir ulaT pher hui

bore hota tha subh-o-sham akela ghar mein

dard rahta tha KHayalat se mere sar mein

dil bahut jab gham-e-tanhai se ghabraata tha

to zara sair-e-gulistan ko nikal jata tha

ek din yunhi jo gul-gasht-e-chaman ko nikla

dard se chur mudawa-e-mehan ko nikla

dekhta kya hun ki ek bench pe chashme ke qarin

mahw-e-nazara-e-fitrat hai koi zohra-jabin

us ke nazdik main chupke se wahin baiTh gaya

but-shikan jaise koi but ke qarin baiTh gaya

baat mausam se jo nikli to mohabbat pe gai

lazzat-e-wasl se baDh kar gham-e-furqat pe gai

KHarch karne ke liye ghar se raqam aati thi

foreign exchange ke permit pe go kam aati thi

hum piccadily pe har ek sham mila karte the

bich bazar sar-e-'am mila karte the

maghribi raqs mujhe go ki nahin aata tha

us ne ek din mein sikha Dala magar cha cha cha

roz kamre mein slow waltz kiya karta tha

main mai-e-husn ko chakh chakh ke piya karta tha

wo gai aur mili phir wo gai aur mili

ba'z auqat bahut jald wa fil-faur mili

ab ye 'alam hai ki bas KHun-e-jigar pita hun

zindagi maut se bad-tar hai magar jita hun