tamir-e-gulistan

maqsad ko na pāband-e-taqdīr karo yaaro

ta.amīr-e-gulistāñ kī tadbīr karo yaaro

kirdār meñ yuuñ paidā tāsīr karo yaaro

har ḳhaak ke zarre ko tasḳhīr karo yaaro

tum raah meñ ho ab tak manzil pe nahīñ pahoñche

rāhoñ ko na manzil se ta.abīr karo yaaro

jab rahbar-o-rahzan meñ ho saktī hai sāzish bhī

phir raah meñ kyoñ itnī tāḳhīr karo yaaro

shāyad abhī kuchh goshe muhtāj-e-ta.āruf haiñ

qur.ān-e-mohabbat kī tafsīr karo yaaro

maazī kī har ik talḳhī tum dil se bhulā Daalo

tārīḳh na.ī apnī tahrīr karo yaaro

insāñ kī bulandī hai aapas kī mohabbat meñ

dil dil se mileñ aisī tadbīr karo yaaro

ye jannat-e-duniyā to dozaḳh huī jaatī hai

ab aur koī jannat ta.amīr karo yaaro

jo kuchh rah-e-ulfat meñ 'takmīl' pe guzrī hai

afsāna-dar-afsāna tahrīr karo yaaro

maqsad ko na paband-e-taqdir karo yaro

tamir-e-gulistan ki tadbir karo yaro

kirdar mein yun paida tasir karo yaro

har KHak ke zarre ko tasKHir karo yaro

tum rah mein ho ab tak manzil pe nahin pahonche

rahon ko na manzil se tabir karo yaro

jab rahbar-o-rahzan mein ho sakti hai sazish bhi

phir rah mein kyon itni taKHir karo yaro

shayad abhi kuchh goshe muhtaj-e-taaruf hain

quran-e-mohabbat ki tafsir karo yaro

mazi ki har ek talKHi tum dil se bhula Dalo

tariKH nai apni tahrir karo yaro

insan ki bulandi hai aapas ki mohabbat mein

dil dil se milen aisi tadbir karo yaro

ye jannat-e-duniya to dozaKH hui jati hai

ab aur koi jannat tamir karo yaro

jo kuchh rah-e-ulfat mein 'takmil' pe guzri hai

afsana-dar-afsana tahrir karo yaro