tariKH-dan se

qadīm duniyā kā pahlā qātil

qābīl

hamesha yaad rakhā jā.egā

sunā hai

pahlī baar jab koī nayā kaam kartā hai

to vo usī ke naam se hamesha ke liye

mansūb ho jaatā hai

to pyaar

pahlī baar mohabbat kis ne kī hogī

kyā aadam aur havvā ne

nahīñ nahīñ

vo mohabbat nahīñ

vo to ḳhatā thī

hudūd se tajāvuz thā

yā shāyad tajassus

qadīm duniyā ke tārīḳh-dān

batā ki

pahlī baar mohabbat kis ne kī thī

koī naam darj nahīñ nā tārīḳh meñ

tārīḳh hamesha chun chun kar burī bātoñ kā hī record kyoñ rakhtī hai

tārīḳh ke safhoñ par itne phuul nahīñ jitnā lahū hai

so ab na.ī tārīḳh likhī jaa.e

aur us meñ merā naam darj kiyā jaa.e

jis ne pahlī baar mohabbat kī

qadim duniya ka pahla qatil

qabil

hamesha yaad rakha jaega

suna hai

pahli bar jab koi naya kaam karta hai

to wo usi ke nam se hamesha ke liye

mansub ho jata hai

to pyar

pahli bar mohabbat kis ne ki hogi

kya aadam aur hawwa ne

nahin nahin

wo mohabbat nahin

wo to KHata thi

hudud se tajawuz tha

ya shayad tajassus

qadim duniya ke tariKH-dan

bata ki

pahli bar mohabbat kis ne ki thi

koi nam darj nahin na tariKH mein

tariKH hamesha chun chun kar buri baaton ka hi record kyon rakhti hai

tariKH ke safhon par itne phul nahin jitna lahu hai

so ab nai tariKH likhi jae

aur us mein mera nam darj kiya jae

jis ne pahli bar mohabbat ki