tariKH ka ek waraq

sarhad-e-pāk par

sabz parcham fazāoñ meñ lahrā rahā hai

javānān-e-millat ke

ehsās-o-jazbe ko garmā rahā hai

ye merā vatan hai mirī sarzamīñ hai

jise maiñ ne apne lahū kī

harārat se naġhme kī lai

ruuh kī tāzgī sarḳhushī

chāñd kī raushnī dilkashī

ishq kā valvala husn kā bāñkpan

azm kī puḳhtagī baḳhsh dī hai

mujhe yaad hai

āzmā.ish kī ḳhūnī ghaḌī

rauñdne aa.ī thī

apne nāpāk qadmoñ se arz-e-vatan

ek dīvār faulād-o-āhan se Takrā.ī jab

sard lāshoñ ke ambār us kā muqaddar bane

aur tārīḳh kā faisla ho gayā

ye merā vatan

jis kī tārīḳh kā har varaq

jāñ-nisāroñ jiyāloñ javānoñ kī

rasm-e-shujā.at kī ik dāstāñ hai

jise aane vaalī na.ī nasl dohrā.egī

yahī zinda qaumoñ kī tārīḳh hai

jis ne har daur meñ

sarfaroshī shahādat vatan kī mohabbat ko

unvāñ banā kar

na.e ahd kī dāstāñ ko mukammal kiyā hai

yahī merī tārīḳh kā ik varaq hai

jise kal bhī maiñ ne likhā thā

aaj bhī likh rahā huuñ

jise aane vaale zamāne kā

har naujavāñ garm ḳhuuñ se likhegā

sarhad-e-pak par

sabz parcham fazaon mein lahra raha hai

jawanan-e-millat ke

ehsas-o-jazbe ko garma raha hai

ye mera watan hai meri sarzamin hai

jise main ne apne lahu ki

hararat se naghme ki lai

ruh ki tazgi sarKHushi

chand ki raushni dilkashi

ishq ka walwala husn ka bankpan

azm ki puKHtagi baKHsh di hai

mujhe yaad hai

aazmaish ki KHuni ghaDi

raundne aai thi

apne napak qadmon se arz-e-watan

ek diwar faulad-o-ahan se Takrai jab

sard lashon ke ambar us ka muqaddar bane

aur tariKH ka faisla ho gaya

ye mera watan

jis ki tariKH ka har waraq

jaan-nisaron jiyalon jawanon ki

rasm-e-shujaat ki ek dastan hai

jise aane wali nai nasl dohraegi

yahi zinda qaumon ki tariKH hai

jis ne har daur mein

sarfaroshi shahadat watan ki mohabbat ko

unwan bana kar

nae ahd ki dastan ko mukammal kiya hai

yahi meri tariKH ka ek waraq hai

jise kal bhi main ne likha tha

aaj bhi likh raha hun

jise aane wale zamane ka

har naujawan garm KHun se likhega