tafsil masafat ki

ik din jo baham hoñge

tujh se tire darmāñda

kyā arz guzāreñge

kyā haal sunā.eñge

mauhūm kashīda hai

tasvīr qayāmat kī

shāyad na sunā paa.eñ

tafsīl masāfat kī

lab basta raheñ shāyad

ye din jo guzāre haiñ

mahram hai koī kis kā

yā zaḳhm kī sargoshī

yā hamāre haiñ

āñkhoñ pe kiye saaya

kab duur talak dekhā

larzāñ thī zamīñ kis pal

kab sū-e-falak dekhā

kab dasht kī tanhā.ī

āñkhoñ meñ utar aa.ī

kab vahm samā.at thī

kab kho ga.ī goyā.ī

kis moḌ pe hairāñ the

kis raah meñ vīrāñ the

ijmāl haqīqat ke

shāyad na raqam hoñge

ik din jo baham hoñge

tak leñge tirī sūrat

aur sar ko jhukā leñge

mal Dāleñge āñkhoñ ko

gar yaad sarāb aa.e

gum-sum tirī chaukhaT par

ho jā.eñge ham shāyad

chhū kar tire dāman ko

so jā.eñge ham shāyad

ek din jo baham honge

tujh se tere darmanda

kya arz guzarenge

kya haal sunaenge

mauhum kashida hai

taswir qayamat ki

shayad na suna paen

tafsil masafat ki

lab basta rahen shayad

ye din jo guzare hain

mahram hai koi kis ka

ya zaKHm ki sargoshi

ya hamare hain

aankhon pe kiye saya

kab dur talak dekha

larzan thi zamin kis pal

kab su-e-falak dekha

kab dasht ki tanhai

aankhon mein utar aai

kab wahm samaat thi

kab kho gai goyai

kis moD pe hairan the

kis rah mein viran the

ijmal haqiqat ke

shayad na raqam honge

ek din jo baham honge

tak lenge teri surat

aur sar ko jhuka lenge

mal Dalenge aankhon ko

gar yaad sarab aae

gum-sum teri chaukhaT par

ho jaenge hum shayad

chhu kar tere daman ko

so jaenge hum shayad