taghayyur

calender ke badalne se kahāñ maazī badaltā hai

purāne zaḳhm bharte haiñ bhalā āñkhoñ ko bharne se

jo dil pe vaar ho jaa.e

achānak haar ho jaa.e

anā ko Thes jo pahuñche

dil-o-hosh-o-ḳhirad pe bad-havāsī ho

baḌī gahrī udāsī ho

use jitnā bhī jhuTlāo

nahīñ mumkin ḳhalāsī ho

suno hāthoñ meñ tum jitne calender thaam sakte ho

unheñ tum sāmne rakh lo

hazāroñ maah tum palTo

hazāroñ saal se guzro

magar jo sāneha guzrā

tum us ko bhuul pāoge

calender ko badalne se purāne ġham nahīñ miTte

hazāroñ marhamoñ se bhī ye zaḳhm-e-jāñ nahīñ bharte

calender shauq se palTo

magar guzre hue lamhe na lauTeñge

calender ko badalne se

muqaddar to na badleñge

calender ke badalne se kahan mazi badalta hai

purane zaKHm bharte hain bhala aankhon ko bharne se

jo dil pe war ho jae

achanak haar ho jae

ana ko Thes jo pahunche

dil-o-hosh-o-KHirad pe bad-hawasi ho

baDi gahri udasi ho

use jitna bhi jhuTlao

nahin mumkin KHalasi ho

suno hathon mein tum jitne calender tham sakte ho

unhen tum samne rakh lo

hazaron mah tum palTo

hazaron sal se guzro

magar jo saneha guzra

tum us ko bhul paoge

calender ko badalne se purane gham nahin miTte

hazaron marhamon se bhi ye zaKHm-e-jaan nahin bharte

calender shauq se palTo

magar guzre hue lamhe na lauTenge

calender ko badalne se

muqaddar to na badlenge