tahqiq pahle kar lo

hāmid ne ik nabī kā qissa mujhe sunāyā

par baat thī kuchh aisī mujh ko yaqīñ na aayā

ammī se maiñ ne pūchhā abbū se maiñ ne pūchhā

daadā huzūr ko bhī sab vāqi.a batāyā

ustād-e-mohtaram se hāsil kī rahnumā.ī

apne imaam sāhab kā dar bhī khaTkhaTāyā

phir ambiyā ke qissoñ vaalī kitāb dekhī

lekin kahīñ bhī aisā qissa koī na paayā

samjhāyā maiñ ne jā kar hāmid ko us ke ghar par

yuuñ mat sunāo sab ko qissa sunā sunāyā

jo vāqi.a sunāo tahqīq pahle kar lo

ya.anī sahī ġhalat kī tasdīq pahle kar lo

hamid ne ek nabi ka qissa mujhe sunaya

par baat thi kuchh aisi mujh ko yaqin na aaya

ammi se main ne puchha abbu se main ne puchha

dada huzur ko bhi sab waqia bataya

ustad-e-mohtaram se hasil ki rahnumai

apne imam sahab ka dar bhi khaTkhaTaya

phir ambiya ke qisson wali kitab dekhi

lekin kahin bhi aisa qissa koi na paya

samjhaya main ne ja kar hamid ko us ke ghar par

yun mat sunao sab ko qissa suna sunaya

jo waqia sunao tahqiq pahle kar lo

yani sahi ghalat ki tasdiq pahle kar lo