tahzib

ye aabā kī aqdār kā ik muraqqā

jise vaqt kī ek yalġhār-e-paiham miTātī rahī

aur mire jadd-o-ab

is meñ bad-zeb se rang bharte rahe

ab ye bad-zeb bad-rang naqshoñ kī bhoñDī sī tasvīr mujh ko milī hai

mujhe ye sikhāyā gayā hai

ise apnī āñkhoñ pe rakhūñ

yahī zīnat hajla-e-zīst hogī

mire peḌ ko abr kī nannhī nannhī phuvāroñ ne bālīdgī dī

sunahre ziyā-pāsh sūraj kī kirnoñ ne shāḳhoñ ko chhū kar tavānā.ī baḳhshī

kahīñ duur an-dekhe an-jāne jazīroñ se aa kar sabā ne shagūfoñ ke band-e-qabā khol Daale

ki ye bāryāb-e-tamannā ho

lekin ye sāthī ye dīmak

jaḌeñ chāTtā hai

ye aaba ki aqdar ka ek muraqqa

jise waqt ki ek yalghaar-e-paiham miTati rahi

aur mere jadd-o-ab

is mein bad-zeb se rang bharte rahe

ab ye bad-zeb bad-rang naqshon ki bhonDi si taswir mujh ko mili hai

mujhe ye sikhaya gaya hai

ise apni aankhon pe rakhun

yahi zinat hajla-e-zist hogi

mere peD ko abr ki nannhi nannhi phuwaron ne baalidgi di

sunahre ziya-pash suraj ki kirnon ne shaKHon ko chhu kar tawanai baKHshi

kahin dur an-dekhe an-jaane jaziron se aa kar saba ne shagufon ke band-e-qaba khol Dale

ki ye baryab-e-tamanna ho

lekin ye sathi ye dimak

jaDen chaTta hai