talash-e-aKHar

aao aaj se ham bhī

ḳhauf ḳhauf ho jaa.eñ

ḳhauf bhī to nashsha hai

ḳhauf bhī to quvvat hai

ḳhauf ke liye bhī to

jaan kī zarūrat hai

aao apnī tāqat ko

ham bhī aazmā dekheñ

ḳhauf ḳhauf ho jaa.eñ

ḳhud-numā.ī ke tevar

Dhañg parda-dārī ke

ham-navā.ī ke da.ave

rañg dushmanī ke sab, ḳhauf kī alāmat haiñ

qurbatoñ kī ḳhvāhish meñ

sar-girāniyāñ kyā kyā

dūriyoñ ke haq meñ bhī

ma.arke dalā.el ke

ek aañkh lazzat hai

ek aañkh vahshat hai

ham ne donoñ āñkhoñ se

koī shai nahīñ dekhī

aao donoñ āñkhoñ ko

band kar ke rakh chhoḌeñ

aur phir koī bhī shai

soch leñ ki aisī hai

ḳhauf ḳhauf ho jaa.eñ

aao aaj se hum bhi

KHauf KHauf ho jaen

KHauf bhi to nashsha hai

KHauf bhi to quwwat hai

KHauf ke liye bhi to

jaan ki zarurat hai

aao apni taqat ko

hum bhi aazma dekhen

KHauf KHauf ho jaen

KHud-numai ke tewar

Dhang parda-dari ke

ham-nawai ke dawe

rang dushmani ke sab, KHauf ki alamat hain

qurbaton ki KHwahish mein

sar-giraniyan kya kya

duriyon ke haq mein bhi

marke dalael ke

ek aankh lazzat hai

ek aankh wahshat hai

hum ne donon aankhon se

koi shai nahin dekhi

aao donon aankhon ko

band kar ke rakh chhoDen

aur phir koi bhi shai

soch len ki aisi hai

KHauf KHauf ho jaen