talash

mujhe aadmī kī talāsh hai

aise aadmī kī jo aadmī ho

aisā aadmī jis meñ ādamiyat ho

mujhe farishte kī talāsh nahīñ

farishta aadmī ke dukh kyā jaane

mujhe us kī talāsh hai

jo aadmī ke dukh jaane

jo bhuuk se āshnā ho

kahāñ milegā vo aadmī

mahfiloñ meñ

majlisoñ meñ

nahīñ nahīñ

vahāñ aadmī kahāñ

mābadoñ meñ

nahīñ vahāñ bhī nahīñ

vahāñ jazā-o-sazā ke qisse haiñ

dukhoñ kī va.ī.deñ haiñ

kyā jiite rahnā ma.amūlī dukh hai

kyā is se bhī baḌā azaab hai

mujhe aadmī kī talāsh

aur vo to maiñ hī huuñ

mujhe aadmi ki talash hai

aise aadmi ki jo aadmi ho

aisa aadmi jis mein aadamiyat ho

mujhe farishte ki talash nahin

farishta aadmi ke dukh kya jaane

mujhe us ki talash hai

jo aadmi ke dukh jaane

jo bhuk se aashna ho

kahan milega wo aadmi

mahfilon mein

majlison mein

nahin nahin

wahan aadmi kahan

mabadon mein

nahin wahan bhi nahin

wahan jaza-o-saza ke qisse hain

dukhon ki waiden hain

kya jite rahna mamuli dukh hai

kya is se bhi baDa azab hai

mujhe aadmi ki talash

aur wo to main hi hun