tamasha

havelī ke baḌe darvāze par āvezāñ

donoñ camere har roz

bāhar ke manāzir dekhte rahte haiñ hairat se

magar andar kī duniyā bhī

hai kuchh bāhar ke jaisī hī

yahāñ ke basne vāloñ meñ

ravābit bhī haiñ mustahkam

adāvat bhī musalsal hai

makīñ bālā.ī manzil kā

hamesha dūsrī manzil ke bāshinde pe

pahra tang rakhtā hai

kisī bhī taur man-mānī

na karne paa.e ye hargiz

binā is kī ijāzat ke

nahīñ le faisla koī

magar duuje ko bhī zid hai

karegā ḳhud-sarī yūñhī

fazā is kī

ghuTan-ālūd bhī hai pur-sukūñ bhī

ghaTā aur dhuup donoñ

aage pīchhe chaltī rahtī haiñ

koī kankar jo is kī jhiil meñ gir jaa.e

pahroñ muztarib rahtī haiñ lahreñ

uThā karte haiñ jazr-o-mad bhī rah rah kar

zarā jo garm ho mausam

yahāñ par bahne vaale surḳh paanī kā

badalne lagtā hai tevar

kabhī bas bhaap ban kar

jazb ho jaatā hai andar hī

kabhī tūfān kī sūrat

tsunami kī tarah sab kuchh

miTā detā hai ik pal meñ

darūn-e-ḳhāna sajtī rahtī hai mahfil

tamāshā roz hotā hai

haweli ke baDe darwaze par aawezan

donon camere har roz

bahar ke manazir dekhte rahte hain hairat se

magar andar ki duniya bhi

hai kuchh bahar ke jaisi hi

yahan ke basne walon mein

rawabit bhi hain mustahkam

adawat bhi musalsal hai

makin baalai manzil ka

hamesha dusri manzil ke bashinde pe

pahra tang rakhta hai

kisi bhi taur man-mani

na karne pae ye hargiz

bina is ki ijazat ke

nahin le faisla koi

magar duje ko bhi zid hai

karega KHud-sari yunhi

faza is ki

ghuTan-alud bhi hai pur-sukun bhi

ghaTa aur dhup donon

aage pichhe chalti rahti hain

koi kankar jo is ki jhil mein gir jae

pahron muztarib rahti hain lahren

uTha karte hain jazr-o-mad bhi rah rah kar

zara jo garm ho mausam

yahan par bahne wale surKH pani ka

badalne lagta hai tewar

kabhi bas bhap ban kar

jazb ho jata hai andar hi

kabhi tufan ki surat

tsunami ki tarah sab kuchh

miTa deta hai ek pal mein

darun-e-KHana sajti rahti hai mahfil

tamasha roz hota hai