tamanna

suno tum se mujhe ik baat kahnī hai

tumhārā is qadar bezār sā rahnā

ḳhafā barham taġhāful-kesh kī 'ādat

mujhe idrāk hai is kā ye ‘unvān-e-mohabbat hai

tumhārā har sitam mujh ko ‘azīz-az-jān hai lekin

tumhārī ḳhāmushī mujh par qayāmat sī guzartī hai

tabassum qahqahe shādābī ruḳhsār-o-lab-o-mizhgāñ kī tābānī

mire she'r-o-suḳhan ke vāste iksīr-e-ā’zam hai

taqāzā-e-mohabbat to yahī hai tum

tabassum se takallum se vujūd-e-husn-e-tīnat se

mire fikr-o-taḳhayyul ko kiyā karte raho mā'mūr

chalo zid chhoḌ kar apnī

tarastī muntazir nazroñ ko tum yak-laḳht

tajallī se 'atā me'rāj kar do

suno tum se mujhe ek baat kahni hai

tumhaara is qadar bezar sa rahna

KHafa barham taghaful-kesh ki 'adat

mujhe idrak hai is ka ye ‘unwan-e-mohabbat hai

tumhaara har sitam mujh ko ‘aziz-az-jaan hai lekin

tumhaari KHamushi mujh par qayamat si guzarti hai

tabassum qahqahe shadabi ruKHsar-o-lab-o-mizhgan ki tabani

mere she'r-o-suKHan ke waste iksir-e-a’zam hai

taqaza-e-mohabbat to yahi hai tum

tabassum se takallum se wujud-e-husn-e-tinat se

mere fikr-o-taKHayyul ko kiya karte raho ma'mur

chalo zid chhoD kar apni

tarasti muntazir nazron ko tum yak-laKHt

tajalli se 'ata me'raj kar do