tan-e-nahif se amboh-e-jabr haar gaya

ab āñsuoñ ke dhuñdlakoñ meñ raushnī dekho

hujūm-e-marg se āvāz-e-zindagī ko suno

suno ki tishna-dahan mālik-e-sabīl hue

suno ki ḳhāk-basar vāris-e-fasīl hue

ridā-e-chāk ne dastār-e-shah ko taar kiyā

tan-e-nahīf se amboh-e-jabr haar gayā

suno ki hirs-o-havas qahr-o-zahr kā relā

ġhubār-o-ḳhār o ḳhash-o-ḳhāk hī ne thaam liyā

siyāhiyāñ hī muqaddar hoñ jin nigāhoñ kā

ḳhudā bachā.e un āñkhoñ kī shola-bārī se

Daro ki zard-ruḳhāñ nīm-jāñ o ḳhasta-tanāñ

hazār baar mare aur laakh baar jiye!

vo log jin ko mayassar na aa.e marham-e-vaqt!

vo log talḳhī-e-taqdīr baañT lete haiñ

vo haath jin pe ho nafrat kā zañg sadiyoñ se

vo haath lohe kī dīvār kaaT dete haiñ

ab aansuon ke dhundlakon mein raushni dekho

hujum-e-marg se aawaz-e-zindagi ko suno

suno ki tishna-dahan malik-e-sabil hue

suno ki KHak-basar waris-e-fasil hue

rida-e-chaak ne dastar-e-shah ko tar kiya

tan-e-nahif se amboh-e-jabr haar gaya

suno ki hirs-o-hawas qahr-o-zahr ka rela

ghubar-o-KHar o KHash-o-KHak hi ne tham liya

siyahiyan hi muqaddar hon jin nigahon ka

KHuda bachae un aankhon ki shola-bari se

Daro ki zard-ruKHan nim-jaan o KHasta-tanan

hazar bar mare aur lakh bar jiye!

wo log jin ko mayassar na aae marham-e-waqt!

wo log talKHi-e-taqdir banT lete hain

wo hath jin pe ho nafrat ka zang sadiyon se

wo hath lohe ki diwar kaT dete hain