tanasuKH

jab ek sūraj ġhurūb hotā hai

kam-nazar log ye samajhte haiñ

ab añdherā zamīñ kī taqdīr ho gayā hai

zamāna zanjīr ho gayā hai

unheñ ḳhabar kyā

ki mehr-o-māh-o-nujūm saare

to raushnī ke haiñ isti.āre

tulūa kā dil-faroz manzar

ġhurūb kā dil-shikan nazāra

azal se us raushnī kā partav hai

jo musalsal safar ke aalam meñ

har makāñ lā-makāñ ko apne jilau meñ le kar

ravāñ-davāñ hai

ye raat aur din

har ek zāhir har ek bātin

har ek mumkin

usī tasalsul kā zer-o-bam hai

nigār-e-fitrat kā husn-e-ram hai

ufuq ufuq par yahī raqam hai

ki jo adam hai

vo zindagī kā nayā janam hai

jab ek suraj ghurub hota hai

kam-nazar log ye samajhte hain

ab andhera zamin ki taqdir ho gaya hai

zamana zanjir ho gaya hai

unhen KHabar kya

ki mehr-o-mah-o-nujum sare

to raushni ke hain istiare

tulua ka dil-faroz manzar

ghurub ka dil-shikan nazara

azal se us raushni ka partaw hai

jo musalsal safar ke aalam mein

har makan la-makan ko apne jilau mein le kar

rawan-dawan hai

ye raat aur din

har ek zahir har ek baatin

har ek mumkin

usi tasalsul ka zer-o-bam hai

nigar-e-fitrat ka husn-e-ram hai

ufuq ufuq par yahi raqam hai

ki jo adam hai

wo zindagi ka naya janam hai