tanhai ke fan mein kaamyab

apnī azlī aarzū ke mutābiq

maiñ bilkul āzād ho chukī huuñ

har ḳhvāhish se

lālach se

ḳhauf se

ġham se

nafrat se

maiñ chāhūñ to rocking chair par

sub.h se shaam kar saktī huuñ

yā raat bhar safed kapḌe par

rañg-birañge phuul kaaḌh saktī huuñ

yā jañgal meñ itnī duur jā saktī huuñ

ki vāpas na aa sakūñ

yā dā.ere meñ ghūmte hue

apne aap ko thakā kar girā saktī huuñ

kabhī na uThne ke liye

aur aise meñ

unhoñ ne use bhej diyā hai

jaan buujh kar

merī tanhā.ī meñ ḳhalal Dālne ke liye

taaki mil jaa.e mujhe phir koī

nafrat karne ke liye

chhoTī sī to hai vo

magar nahīñ Dālne detī mujhe

apnī tanhā.ī meñ ḳhalal

mukammal taur par āzād

merī nafrat se bhī

merī aslī vāris

magar mujh se kahīñ ziyāda kāmyāb

tanhā.ī ke fan meñ

apni azli aarzu ke mutabiq

main bilkul aazad ho chuki hun

har KHwahish se

lalach se

KHauf se

gham se

nafrat se

main chahun to rocking chair par

subh se sham kar sakti hun

ya raat bhar safed kapDe par

rang-birange phul kaDh sakti hun

ya jangal mein itni dur ja sakti hun

ki wapas na aa sakun

ya daere mein ghumte hue

apne aap ko thaka kar gira sakti hun

kabhi na uThne ke liye

aur aise mein

unhon ne use bhej diya hai

jaan bujh kar

meri tanhai mein KHalal Dalne ke liye

taki mil jae mujhe phir koi

nafrat karne ke liye

chhoTi si to hai wo

magar nahin Dalne deti mujhe

apni tanhai mein KHalal

mukammal taur par aazad

meri nafrat se bhi

meri asli waris

magar mujh se kahin ziyaada kaamyab

tanhai ke fan mein