tanhai mujhe dekhti hai

ye hotā hai

koī maane na maane

ye to hotā hai

kisī phaile hue lamhe kisī simTe hue din

yā akelī raat meñ hotā hai

sab ke saath hotā hai

badan ke ḳhuun kā lohā ḳhayāloñ ke alaao meñ ubal kar

surḳh neze kī anī ko sar kī jānib pheñktā hai

aur phir shahtīr gir jaatā hai

jis par ḳhud farebī patlī īñToñ kī chinā.ī kartī rahtī thī

ye merā maal fitna hai

mire maañ baap saaya haiñ

mirī aulād fitna hai

bahut tanhā hai insāñ

kīmiyā-gar ke pyāle se gire qatre ke paare kī tarah tanhā

safar karte hue tāroñ ke jhurmuT meñ khaḌe

qutbī sitāre kī tarah tanhā

ye sab

hañste hue lab rotī āñkheñ

hanjare ke jof se lahrā ke niklī saarī āvāzeñ

ye gaate nāchte logoñ ke jhurmuT

ishva o naaz o adā se khīñchte paikar

ye saarī sair-bīnī ḳhud-farebī hai

ye saarī yār-bāshī aur sab sahrā-nashīnī ḳhud-farebī hai

maiñ apnī maañ ke pahle duudh se dard-e-tah har jaam tak

tanhā.ī ke ik ḳhat pe chaltā jā rahā huuñ

maiñ akelā huuñ

maiñ bazm dostāñ ke qahqahoñ ke guuñj meñ Duube

sarābī dasht kī larzish meñ paanī DhūñDtā huuñ

maiñ akelā huuñ

mirī tanhā.ī

maañ jaa.ī

jo mere saath paidā ho ke mele meñ kahīñ gum ho ga.ī thī

merī bū kī DhūñDtī

mere lahū ko sūñghtī vāpas chalī aa.ī hai

mere sāmne baiThī hai

mujh ko dekhtī hai

us kā har tār-e-nazar āñkhoñ se dāḳhil ho ke

merī khopaḌī kī pusht se bāhar nikaltā hai

mirī tanhā.ī san.at-kār hai

vo merī shiryānoñ se lahū chhān kar neze banātī hai

ye hota hai

koi mane na mane

ye to hota hai

kisi phaile hue lamhe kisi simTe hue din

ya akeli raat mein hota hai

sab ke sath hota hai

badan ke KHun ka loha KHayalon ke alao mein ubal kar

surKH neze ki ani ko sar ki jaanib phenkta hai

aur phir shahtir gir jata hai

jis par KHud farebi patli inTon ki chinai karti rahti thi

ye mera mal fitna hai

mere man bap saya hain

meri aulad fitna hai

bahut tanha hai insan

kimiya-gar ke pyale se gire qatre ke pare ki tarah tanha

safar karte hue taron ke jhurmuT mein khaDe

qutbi sitare ki tarah tanha

ye sab

hanste hue lab roti aankhen

hanjare ke jof se lahra ke nikli sari aawazen

ye gate nachte logon ke jhurmuT

ishwa o naz o ada se khinchte paikar

ye sari sair-bini KHud-farebi hai

ye sari yar-bashi aur sab sahra-nashini KHud-farebi hai

main apni man ke pahle dudh se dard-e-tah har jam tak

tanhai ke ek KHat pe chalta ja raha hun

main akela hun

main bazm dostan ke qahqahon ke gunj mein Dube

sarabi dasht ki larzish mein pani DhunDta hun

main akela hun

meri tanhai

man jai

jo mere sath paida ho ke mele mein kahin gum ho gai thi

meri bu ki DhunDti

mere lahu ko sunghti wapas chali aai hai

mere samne baiThi hai

mujh ko dekhti hai

us ka har tar-e-nazar aankhon se daKHil ho ke

meri khopaDi ki pusht se bahar nikalta hai

meri tanhai sanat-kar hai

wo meri shiryanon se lahu chhan kar neze banati hai