tarana

kar deñge ham is par apnā tan man dhan qurbān

sab se achchhā sab se nyārā pyārā hindostān

hindū hoñ yā muslim hoñ yā sikh hoñ yā īsā.ī

gore hoñ yā kaale haiñ aapas meñ bhaa.ī bhaa.ī

mil-jul kar daanā rahte haiñ laḌte haiñ nādān

sab se achchhā sab se nyārā pyārā hindostān

amrit se bhī baḌh kar hai gañgā jamunā kā paanī

jo bhī is paanī ko pī le bole mīThī baanī

sahrā jañgal parbat jhūmeñ chheḌo aisī taan

sab se achchhā sab se nyārā pyārā hindostān

dil ka.aba hai dil mandir hai phir dil kyuuñ ham toḌeñ

har dil meñ ghar kar jaa.eñ aapas meñ naatā joḌeñ

kahtī hai ye giitā sab se kahtā hai qur.ān

sab se achchhā sab se nyārā pyārā hindostān

āsāmī hoñ bañgālī hoñ yā hoñ rājasthānī

'gāñdhī' 'nehrū' ke vāris haiñ bachche hindostānī

jauhar apne dikhlā.eñge māreñge maidān

sab se achchhā sab se nyārā pyārā hindostān

kar denge hum is par apna tan man dhan qurban

sab se achchha sab se nyara pyara hindostan

hindu hon ya muslim hon ya sikh hon ya isai

gore hon ya kale hain aapas mein bhai bhai

mil-jul kar dana rahte hain laDte hain nadan

sab se achchha sab se nyara pyara hindostan

amrit se bhi baDh kar hai ganga jamuna ka pani

jo bhi is pani ko pi le bole miThi bani

sahra jangal parbat jhumen chheDo aisi tan

sab se achchha sab se nyara pyara hindostan

dil kaba hai dil mandir hai phir dil kyun hum toDen

har dil mein ghar kar jaen aapas mein nata joDen

kahti hai ye gita sab se kahta hai quran

sab se achchha sab se nyara pyara hindostan

aasami hon bangali hon ya hon rajasthani

'gandhi' 'nehru' ke waris hain bachche hindostani

jauhar apne dikhlaenge marenge maidan

sab se achchha sab se nyara pyara hindostan