tark-e-wada ki tark-e-KHwab tha wo

tark-e-va.ada ki tark-e-ḳhvāb thā vo

kaam sab ho chukā jo karnā thā

bhar chukā jām-e-shart-e-vasl jise

sub.h tak, āñsuoñ se bharnā thā

vo suḳhan us ke mudda.ā meñ nahīñ

mujh ko jis baat se mukarnā thā

koī taqsīm-e-kār-e-mahr-o-nujūm

yā hisāb-e-shab-e-nuzūl koī

dasht-e-lā-hāsilī kī mahdūdāt

shahr-e-maharam kā arz o tuul koī

kuchh nahīñ darmiyāñ jazā na sazā

sañg, dushnām, dāġh, phuul koī

us taraf ab ruḳh-e-ta.alluq hai

jahāñ sūd-o-ziyān-e-zāt nahīñ

Dar nahīñ niiñd TuuT jaane kā

pās-e-va.ada kī ehtiyāt nahīñ

mujh ko jis baat se mukarnā thā

us ke da.ave meñ ab vo baat nahīñ

bhar chukā jām-e-shart-e-vasl jise

sub.h tak, āñsuoñ se bharnā thā

tark-e-va.ada ki tark-e-ḳhvāb thā vo

kaam sab ho chukā jo karnā thā

tark-e-wada ki tark-e-KHwab tha wo

kaam sab ho chuka jo karna tha

bhar chuka jam-e-shart-e-wasl jise

subh tak, aansuon se bharna tha

wo suKHan us ke muddaa mein nahin

mujh ko jis baat se mukarna tha

koi taqsim-e-kar-e-mahr-o-nujum

ya hisab-e-shab-e-nuzul koi

dasht-e-la-hasili ki mahdudat

shahr-e-maharam ka arz o tul koi

kuchh nahin darmiyan jaza na saza

sang, dushnam, dagh, phul koi

us taraf ab ruKH-e-talluq hai

jahan sud-o-ziyan-e-zat nahin

Dar nahin nind TuT jaane ka

pas-e-wada ki ehtiyat nahin

mujh ko jis baat se mukarna tha

us ke dawe mein ab wo baat nahin

bhar chuka jam-e-shart-e-wasl jise

subh tak, aansuon se bharna tha

tark-e-wada ki tark-e-KHwab tha wo

kaam sab ho chuka jo karna tha