tark-e-wafa ke baad

tumhāre roz-o-shab se ab koī nisbat nahīñ lekin

tumhārā 'aks har lamhe ke ā.īne meñ miltā hai

bichhaḌ kar tum se kitnī shāmeñ hañs hañs kar guzārī haiñ

sajā.e kaise-kaise gesūoñ meñ phuul ashkoñ ke

luTā.ī ābrū-e-sajda kis-kis āstāne par

piye haiñ kis qadar chhalke hue talḳhāb āñkhoñ ke

malā chehre pe din ke kis tarah ġhāza tabassum kā

siye haiñ zaḳhm kis-kis tarh se be-ḳhvāb rātoñ ke

tumhāre roz-o-shab se ab koī nisbat nahīñ lekin

tumhārī shakl kā har ek chehre par huā dhokā

sadā jab bhī sunī koī tumhārā naam yaad aaya

nigāh-e-lutf kī chhāñv ne de dī ho amaañ jaise

kisī ko haal par apne kabhī jab mehrbāñ paayā

tumhārā naam le kar paas aa.e dard ke saa.e

tumhārā ruup pā kar dil ne kis-kis ko na apnāyā

tumhāre roz-o-shab se ab koī nisbat nahīñ lekin

tumhārā 'aks har lamhe ke ā.īne meñ miltā hai

tumhaare roz-o-shab se ab koi nisbat nahin lekin

tumhaara 'aks har lamhe ke aaine mein milta hai

bichhaD kar tum se kitni shamen hans hans kar guzari hain

sajae kaise-kaise gesuon mein phul ashkon ke

luTai aabru-e-sajda kis-kis aastane par

piye hain kis qadar chhalke hue talKHab aankhon ke

mala chehre pe din ke kis tarah ghaza tabassum ka

siye hain zaKHm kis-kis tarh se be-KHwab raaton ke

tumhaare roz-o-shab se ab koi nisbat nahin lekin

tumhaari shakl ka har ek chehre par hua dhoka

sada jab bhi suni koi tumhaara nam yaad aaya

nigah-e-lutf ki chhanw ne de di ho aman jaise

kisi ko haal par apne kabhi jab mehrban paya

tumhaara nam le kar pas aae dard ke sae

tumhaara rup pa kar dil ne kis-kis ko na apnaya

tumhaare roz-o-shab se ab koi nisbat nahin lekin

tumhaara 'aks har lamhe ke aaine mein milta hai