tarz-e-nau ki shaeri

tausan-e-tab-e-rasā ke paañv meñ kuchh lañg hai

lekin is sūrat meñ chup rahnā bhī vaj.h-e-nañg hai

sher kā sāmān hai kamyāb daur-e-jañg hai

shā.erī bhī farz hai aur qāfiya bhī tañg hai

qāfiye aur vazn kī bandish se ho kar talḳh-kām

ai samand-e-tab.a tujh ko kar rahā huuñ be-lagām

nasr-e-nazm-ālūd hai ye tarz-e-nau kī shā.erī

maash kī khichḌī hai jo puurī tarah pakkī na ho

yā vo haajī hai karachi tak jo jā kar lauT aa.e

ġhāliban aadhā hai tītar aur aadhā hai baTer

kar diyā sayyād ne par qaiñch uḌ saktā nahīñ

maiñ unhī sheroñ se paidā kar rahā huuñ inqalāb

'hāfiz' o 'ḳhayyām' se kah do ki mahshar ho gayā

tundi-e-sahbā se chaknāchūr sāġhar ho gayā

shā.erī kī fikr hai circus kī belī dancer

toḌ kar bandish ko taqrīban barahna ho ga.ī

ḳhirman-e-sher-o-adab par bijliyāñ girne lagīñ

''aag is ghar ko lagī aisī kī jo thā jal gayā''

is ko kahte haiñ ki ye hai blank-verse

''verse'' ho jaatā hai jab bhī zehn ho bilkul blank

tarz-e-nau kī shā.erī bhī sūr-e-isrāfīl hai

shā.erī hābīl hai aur tarz-e-nau qābīl hai

is ke andar zindagī kī qadr karte ho talāsh

aur liye phirtā hai bhaa.ī dūsre bhaa.ī kī laash

tarz-e-nau kī shā.erī ho jaa.e jab behad balīġh

log kahte haiñ ki paidā ho gayā adab-e-latīf

tarz-e-nau kī shā.erī ke dekhiye mauzūa bhī

''hurriyat'' ''nisvāniyat'' ''ehsās'' ''muflis kā shabāb''

''chāñdnī rāteñ'' papīhā, ''tū kahāñ'' ''sarmāya-dār''

''bourgeois qadreñ'' ''mahājan'' ''zindagī ke moḌ par''

''morcha maḳhmal meñ dekhā aadmī bādām meñ''

''TūTī dariyā kī kalā.ī zulf uljhī baam meñ''

tarz-e-nau kī shā.erī meñ madd-o-jazr-e-bahr-e-sher

uff ġhazab

ek misra fīl-e-be-zanjīr kī zinda misāl

dūsrā ushtar kī dum

dariyā meñ sher ḳhaak uḌātā thā naav par

bismil do-zānū baiThā thā pusht-e-bilāv par

nazm lauT aa.ī hai phir apnī purānī bahr meñ

hai ajab tāsīr pinhāñ tarz-e-nau ke sehr meñ

tarz-e-nau kī shā.erī kī koī kal sīdhī nahīñ

shahar bhar meñ uuñT be-chāra abas bad-nām hai

tarz-e-nau kī shā.erī ko uuñT se de kar misāl

chāhtā huuñ uuñT se jā kar muāfī maañg luuñ

haath lekin us kī gardan tak pahuñch sakte nahīñ

garche be-chāra hai lekin hai baḌā gardan-darāz

aah uuñT!

tausan-e-tab-e-rasa ke panw mein kuchh lang hai

lekin is surat mein chup rahna bhi wajh-e-nang hai

sher ka saman hai kamyab daur-e-jang hai

shaeri bhi farz hai aur qafiya bhi tang hai

qafiye aur wazn ki bandish se ho kar talKH-kaam

ai samand-e-taba tujh ko kar raha hun be-lagam

nasr-e-nazm-alud hai ye tarz-e-nau ki shaeri

mash ki khichDi hai jo puri tarah pakki na ho

ya wo haji hai karachi tak jo ja kar lauT aae

ghaaliban aadha hai titar aur aadha hai baTer

kar diya sayyaad ne par qainch uD sakta nahin

main unhi sheron se paida kar raha hun inqalab

'hafiz' o 'KHayyam' se kah do ki mahshar ho gaya

tundi-e-sahba se chaknachur saghar ho gaya

shaeri ki fikr hai circus ki beli dancer

toD kar bandish ko taqriban barahna ho gai

KHirman-e-sher-o-adab par bijliyan girne lagin

aag is ghar ko lagi aisi ki jo tha jal gaya

is ko kahte hain ki ye hai blank-werse

werse ho jata hai jab bhi zehn ho bilkul blank

tarz-e-nau ki shaeri bhi sur-e-israfil hai

shaeri habil hai aur tarz-e-nau qabil hai

is ke andar zindagi ki qadr karte ho talash

aur liye phirta hai bhai dusre bhai ki lash

tarz-e-nau ki shaeri ho jae jab behad baligh

log kahte hain ki paida ho gaya adab-e-latif

tarz-e-nau ki shaeri ke dekhiye mauzua bhi

hurriyat niswaniyat ehsas muflis ka shabab

chandni raaten papiha, tu kahan sarmaya-dar

bourgeois qadren mahajan zindagi ke moD par

morcha maKHmal mein dekha aadmi baadam mein

TuTi dariya ki kalai zulf uljhi baam mein

tarz-e-nau ki shaeri mein madd-o-jazr-e-bahr-e-sher

uff ghazab

ek misra fil-e-be-zanjir ki zinda misal

dusra ushtar ki dum

dariya mein sher KHak uData tha naw par

bismil do-zanu baiTha tha pusht-e-bilaw par

nazm lauT aai hai phir apni purani bahr mein

hai ajab tasir pinhan tarz-e-nau ke sehr mein

tarz-e-nau ki shaeri ki koi kal sidhi nahin

shahar bhar mein unT be-chaara abas bad-nam hai

tarz-e-nau ki shaeri ko unT se de kar misal

chahta hun unT se ja kar muafi mang lun

hath lekin us ki gardan tak pahunch sakte nahin

garche be-chaara hai lekin hai baDa gardan-daraaz

aah unT!