tashwish

zehn-o-dil se yahāñ bāñjh logoñ meñ ab

ahl-e-afkār kā bāñkpan jurm hai

ahl-e-kirdār kā bāñkpan jurm hai

ahl-e-dastār kā bāñkpan jurm hai

fahm-o-idrāk-o-ash'ār kī aaḌ meñ

mausam-e-gul baratnā baḌā jurm hai

dekhnā jānib-e-mai-kada jurm hai

jhiil sī aañkh meñ Dūbnā jurm hai

phuul se jism ko sochnā jurm hai

aur is se bhī aage ḳhudā kī qasam

ahl-e-maz.hab se kuchh pūchhnā jurm hai

pūchhnā rāh-e-haq kā pata jurm hai

kaj-kulāhoñ ko bhī Toknā jurm hai

zahr meñ zindagī DhūñDhnā jurm hai

ḳhud ko suqrāt sā mānñā jurm hai

merā dil merī āñkheñ yā merī zabāñ

lamha lamha aur ik ik ghaḌī ḳhud-baḳhud

apne sach ko bayāñ tum se karte hue

apne baare meñ kuchh bhī chhupāyā nahīñ

jabki sach ye hai mere ta'alluq se tum

zāhirī ham-ḳhayāl aur hamdard ho

varna yuuñ tum ko tashvīsh hotī nahīñ

ḳhud se kyoñ itnā nārāz rahtā huuñ maiñ

zehn-o-dil se yahan banjh logon mein ab

ahl-e-afkar ka bankpan jurm hai

ahl-e-kirdar ka bankpan jurm hai

ahl-e-dastar ka bankpan jurm hai

fahm-o-idrak-o-ash'ar ki aaD mein

mausam-e-gul baratna baDa jurm hai

dekhna jaanib-e-mai-kada jurm hai

jhil si aankh mein Dubna jurm hai

phul se jism ko sochna jurm hai

aur is se bhi aage KHuda ki qasam

ahl-e-mazhab se kuchh puchhna jurm hai

puchhna rah-e-haq ka pata jurm hai

kaj-kulahon ko bhi Tokna jurm hai

zahr mein zindagi DhunDhna jurm hai

KHud ko suqraat sa manna jurm hai

mera dil meri aankhen ya meri zaban

lamha lamha aur ek ek ghaDi KHud-baKHud

apne sach ko bayan tum se karte hue

apne bare mein kuchh bhi chhupaya nahin

jabki sach ye hai mere ta'alluq se tum

zahiri ham-KHayal aur hamdard ho

warna yun tum ko tashwish hoti nahin

KHud se kyon itna naraaz rahta hun main