taswir-e-KHyali

jab añdherā huā har sū huī ḳhilqat ḳhāmosh

jab ta.aqqul se ga.ī chhūT hukūmat kī inaañ

miT chalā thā tire armān kā jab josh-o-ḳharosh

sabr kā yaas ne jab aan ke pakḌā dāmāñ

ġham ke baa.is huā jab misl-e-shab-e-tār dimāġh

dil meñ aur aql meñ barpā huī jang-o-takrār

lahreñ lene lagā jis vaqt tamanna kā charāġh

yaas kā dev jab aa kar huā siine pe savār

jeb-e-hastī ke uḌā chāhte hī the purze

us ghaḌī qalb ke andar huī tū jalva-numā

aisī chamkī tirī tasvīr-e-ḳhyālī jaise

āsmāñ par shab-e-tārīk meñ tanhā taarā

ai munavvar-kun-e-tārīkī-e-chashm-e-āshiq

ai mudāvā-kun-e-ālām-dil-e-hijr-nasīb

ai ba-yak sho.abada zā.il-kun-e-ḳhashm-e-āshiq

ai ba-zāhir tū bahut duur magar dil se qarīb

mehr-o-mah se hai mubārak kahīñ terī tasvīr

chhed saktīñ nahīñ badlī ko shuā.eñ un key

aisī zulmat ko miTā detī hai terī tanvīr

jo miTā.e na miTe raushnī ho koī sī

aa.e tūfān gire barq ki bādal barse

terī ulfat kā shajar Tal nahīñ saktā hai kabhī

zalzala aa.e zamīñ ko ki falak TuuT paḌe

par ye mumkin nahīñ ho terī mohabbat meñ kamī

haañ magar sun le tū ai husn kī mai se sarshār

ḳhār-ḳhār-e-alam-e-hijr se huuñ saḳht hazīñ

yaañ ye sun le mire sarmast-e-adā ḳhush-guftār

ghulte ghulte tire ġham meñ huuñ maiñ ab marg-qarīñ

jab andhera hua har su hui KHilqat KHamosh

jab taqqul se gai chhuT hukumat ki inan

miT chala tha tere arman ka jab josh-o-KHarosh

sabr ka yas ne jab aan ke pakDa daman

gham ke bais hua jab misl-e-shab-e-tar dimagh

dil mein aur aql mein barpa hui jang-o-takrar

lahren lene laga jis waqt tamanna ka charagh

yas ka dew jab aa kar hua sine pe sawar

jeb-e-hasti ke uDa chahte hi the purze

us ghaDi qalb ke andar hui tu jalwa-numa

aisi chamki teri taswir-e-KHyali jaise

aasman par shab-e-tarik mein tanha tara

ai munawwar-kun-e-tariki-e-chashm-e-ashiq

ai mudawa-kun-e-alam-dil-e-hijr-nasib

ai ba-yak shoabada zail-kun-e-KHashm-e-ashiq

ai ba-zahir tu bahut dur magar dil se qarib

mehr-o-mah se hai mubarak kahin teri taswir

chhed saktin nahin badli ko shuaen un key

aisi zulmat ko miTa deti hai teri tanwir

jo miTae na miTe raushni ho koi si

aae tufan gire barq ki baadal barse

teri ulfat ka shajar Tal nahin sakta hai kabhi

zalzala aae zamin ko ki falak TuT paDe

par ye mumkin nahin ho teri mohabbat mein kami

han magar sun le tu ai husn ki mai se sarshaar

KHar-KHar-e-alam-e-hijr se hun saKHt hazin

yan ye sun le mere sarmast-e-ada KHush-guftar

ghulte ghulte tere gham mein hun main ab marg-qarin