tazad-e-sham

mujhe shaam se pahle

office ke buldog ko

fileñ sauñpnī thiiñ

mire sāthiyoñ ne

jo ḳhāke rache the

apāhij kī sūrat

mire sāmne the

mirī afsarī

mere cabin meñ

bhūke babar-sher sī ho rahī thī

mire mātahat apne chehre banā.e hue

be-zabāñ ho rahe the

apne tasavvur kī durgat pe sar pīTtā thā

achānak vo laḌkī

jo pichhle mahīne nikālī ga.ī thī

havā par thiraktī huī

phone par gungunā.ī

mirī afsarī kā babar-sher

yak-laḳht paanī huā

darinde se insāñ kā saanī huā

vo be-kār laḌkī

udāsī meñ Duubī huī chāñdnī meñ

bahalne kī ḳhātir

mohabbat bhare chand pal chāhtī thī

usī shaam mujh se

tarannum meñ gūñdhī huī

ik ġhazal chāhtī thī

mujhe sham se pahle

office ke buldog ko

filen saunpni thin

mere sathiyon ne

jo KHake rache the

apahij ki surat

mere samne the

meri afsari

mere cabin mein

bhuke babar-sher si ho rahi thi

mere matahat apne chehre banae hue

be-zaban ho rahe the

apne tasawwur ki durgat pe sar piTta tha

achanak wo laDki

jo pichhle mahine nikali gai thi

hawa par thirakti hui

phone par gungunai

meri afsari ka babar-sher

yak-laKHt pani hua

darinde se insan ka sani hua

wo be-kar laDki

udasi mein Dubi hui chandni mein

bahalne ki KHatir

mohabbat bhare chand pal chahti thi

usi sham mujh se

tarannum mein gundhi hui

ek ghazal chahti thi