TeDha aangan

husn kā da.avā aur ye bachpan

naach na jaane TeḌhā āñgan

ye jo guloñ ke chaak haiñ dāman

ḳhāroñ se kuchh ho ga.ī an-ban

tirchhī nazreñ tīkhī chitvan

daur-e-javānī ḳhaas hai season

us kī taraf bhī merī taraf bhī

dil bhī niklā thālī kā baiñgan

ishq ne vo pur-kaif banāyā

maiñ huuñ munora vo haiñ clifton

ulfat kī yuuñ rail chalegī

husn ke Dabbe ishq kā engine

maiñ bhī faujī vo bhī faujī

maiñ bhī attention vo bhī attention

nāseh mujh ko samjhātā hai

daanā ho kar aql kā dushman

zulf meñ dil ko phāñs rahī thī

ḳhud hī ulajh kar rah ga.ī zulfan

apne dil kā haal ajab hai

jab se kī hai un kī Tuition

donoñ ḳhushī se phuul rahe haiñ

vo haiñ Dunlop maiñ huuñ michlon

garmī meñ is shaan se aa.e

haath meñ pankhā dosh pe achkan

mujh ko hai dhaḌkā to yahī hai

aap na sun leñ dil kī dhaḌkan

jab se pākistān vo aa.e

haT ga.ī un ke dar se chilman

husn meñ vo mash.hūr haiñ aise

qavvāloñ meñ jaise kallan

allāh allāh ishq ke tevar

aahā aahā husn kī chitvan

dil par shab-ḳhūñ mārne vaale

armānoñ kī dekh le palTan

husn ka dawa aur ye bachpan

nach na jaane TeDha aangan

ye jo gulon ke chaak hain daman

KHaron se kuchh ho gai an-ban

tirchhi nazren tikhi chitwan

daur-e-jawani KHas hai season

us ki taraf bhi meri taraf bhi

dil bhi nikla thaali ka baingan

ishq ne wo pur-kaif banaya

main hun munora wo hain clifton

ulfat ki yun rail chalegi

husn ke Dabbe ishq ka engine

main bhi fauji wo bhi fauji

main bhi attention wo bhi attention

naseh mujh ko samjhata hai

dana ho kar aql ka dushman

zulf mein dil ko phans rahi thi

KHud hi ulajh kar rah gai zulfan

apne dil ka haal ajab hai

jab se ki hai un ki Tuition

donon KHushi se phul rahe hain

wo hain Dunlop main hun michlon

garmi mein is shan se aae

hath mein pankha dosh pe achkan

mujh ko hai dhaDka to yahi hai

aap na sun len dil ki dhaDkan

jab se pakistan wo aae

haT gai un ke dar se chilman

husn mein wo mashhur hain aise

qawwalon mein jaise kallan

allah allah ishq ke tewar

aaha aaha husn ki chitwan

dil par shab-KHun marne wale

armanon ki dekh le palTan