tere jamal ki doshizgi ki qaus-e-quzah

tere jamāl kī doshīzgī kī qaus-e-quzah

nigāh mahbat-e-idrāk meñ na kyuuñ rakh luuñ

zamāna-sāz huuñ maiñ aa.ina sifat huuñ maiñ

hai vaqt pīchhe mire maiñ jahāñ jidhar niklūñ

bhañvar bhañvar mujhe detā hai vus.at-e-afkār

hisār-e-shor-o-talātum meñ kab talak maiñ rahūñ

kashākash-e-ġham-e-hastī mujhe ijāzat de

kuñvāre-pan kī hathelī pe terā naam likhūñ

vo ek naam falak-āshnā hayāt-āgīñ

maiñ apnī sāñsoñ meñ paiham ravāñ-davāñ dekhūñ

tere jamal ki doshizgi ki qaus-e-quzah

nigah mahbat-e-idrak mein na kyun rakh lun

zamana-saz hun main aaina sifat hun main

hai waqt pichhe mere main jahan jidhar niklun

bhanwar bhanwar mujhe deta hai wusat-e-afkar

hisar-e-shor-o-talatum mein kab talak main rahun

kashakash-e-gham-e-hasti mujhe ijazat de

kunware-pan ki hatheli pe tera nam likhun

wo ek nam falak-ashna hayat-agin

main apni sanson mein paiham rawan-dawan dekhun