teri yaaden tere KHayal

dil ko vahm-o-gumān hotā hai

jaise āvāz tum ne dī mujh ko

ruuh par de raho ho tum dastak

chauñk jaatī huuñ maiñ achānak se

bhārī hai sub.h shaam gum-sum sī

raat bhī ḳhaufnāk lagtī hai

sūnā-pan aur sirf māyūsī

chīḳh uThtī hai merī ḳhāmoshī

dekhtī rahtī huuñ vo tasvīreñ

qaid ik umr jin meñ hai apnī

naqsh rah rah ke kuchh ubharte haiñ

raqs maazī kā jaarī rahtā hai

vo jo guzre the saath meñ lamhe

merī tanhā.iyoñ pe haavī haiñ

chand uljhe hue savāl liye

terī yādeñ tire ḳhayāl liye

rāt-din raunaqeñ thī mahfil thī

ek ek lamha ek manzar thā

aaj kaisā maqām aayā hai

zindagī tham ga.ī yahāñ aa kar

saarī dilchaspiyāñ tamām huī

ho ga.e phīke rang duniyā ke

saare badle hue nazāre haiñ

ham bhī qismat se kaisā haare haiñ

dil ko wahm-o-guman hota hai

jaise aawaz tum ne di mujh ko

ruh par de raho ho tum dastak

chaunk jati hun main achanak se

bhaari hai subh sham gum-sum si

raat bhi KHaufnak lagti hai

suna-pan aur sirf mayusi

chiKH uThti hai meri KHamoshi

dekhti rahti hun wo taswiren

qaid ek umr jin mein hai apni

naqsh rah rah ke kuchh ubharte hain

raqs mazi ka jari rahta hai

wo jo guzre the sath mein lamhe

meri tanhaiyon pe hawi hain

chand uljhe hue sawal liye

teri yaaden tere KHayal liye

raat-din raunaqen thi mahfil thi

ek ek lamha ek manzar tha

aaj kaisa maqam aaya hai

zindagi tham gai yahan aa kar

sari dilchaspiyan tamam hui

ho gae phike rang duniya ke

sare badle hue nazare hain

hum bhi qismat se kaisa haare hain