tha KHwab mein KHayal ko tujhse muamla

āñdhiyāñ hotī haiñ kyaa, tūfān kahte haiñ kise!

pahle to miTTī kī ik hastī banā, phir mujh se pūchhā

bārisheñ hotī haiñ kyaa, sailāb kahte haiñ kise!

pahle to kāġhaz kī ik kashtī banā, phir mujh se pūchhā

pūchhtā kyā hai batā! ai ḳhvāb, mere ḳhayāl se

TuuT jaatī haiñ merī nīndeñ, tire siñgār se

dekh kar ye jazba be-iḳhtiyārī, mehrbāñ

sar se pā tak ātish-e-ḳhāmosh ho jaatā huuñ maiñ

''maiñ'' nahīñ rahtā huuñ ''maiñ''

āġhosh ho jaatā huuñ ''maiñ''

dekhtā huuñ jhāñk kar dil meñ, jahāñ parde meñ gum

ḳhūbsūrat sī tirī tasvīr kā nāmūs thā

ab vahāñ par vo nahīñ, nāmūs bhī koī nahīñ

haañ magar tū hai vahāñ sar-tā-qadam

fānūs meñ

pairahan ik ik utāre jā rahī hai

kyā kahūñ!

kaise kahūñ!

har raaz uTh jaane ke ba.ad

maiñ to mushkil ho gayā āsāñ hai tū

ā.īne ke sāmne kī baat kyā

haañ pas-e-ā.īna bhī uryāñ hai tū

jin meñ the tere zard aur zamurrad ke charāġh

jin meñ the almās tere aur almāsoñ ke daaġh

jin meñ thā ik hauz terā aur us meñ phuul baaġh

jo utāre haiñ badan se be-badan, kyā chuum luuñ!

naqsh-e-fariyādī se tere pairahan, kyā chuum luuñ!

aandhiyan hoti hain kya, tufan kahte hain kise!

pahle to miTTi ki ek hasti bana, phir mujh se puchha

barishen hoti hain kya, sailab kahte hain kise!

pahle to kaghaz ki ek kashti bana, phir mujh se puchha

puchhta kya hai bata! ai KHwab, mere KHayal se

TuT jati hain meri ninden, tere singar se

dekh kar ye jazba be-iKHtiyari, mehrban

sar se pa tak aatish-e-KHamosh ho jata hun main

main nahin rahta hun main

aaghosh ho jata hun main

dekhta hun jhank kar dil mein, jahan parde mein gum

KHubsurat si teri taswir ka namus tha

ab wahan par wo nahin, namus bhi koi nahin

han magar tu hai wahan sar-ta-qadam

fanus mein

pairahan ek ek utare ja rahi hai

kya kahun!

kaise kahun!

har raaz uTh jaane ke baad

main to mushkil ho gaya aasan hai tu

aaine ke samne ki baat kya

han pas-e-aina bhi uryan hai tu

jin mein the tere zard aur zamurrad ke charagh

jin mein the almas tere aur almason ke dagh

jin mein tha ek hauz tera aur us mein phul bagh

jo utare hain badan se be-badan, kya chum lun!

naqsh-e-fariyaadi se tere pairahan, kya chum lun!