تتلی کی بستی
تتلی کے پیچھے پیچھے
تتلی کے پیچھے پیچھے
ہم بھی دوڑے جائیں گے
جا کے دیکھیں گے یہ رہتی ہے کہاں
تتلی آگے آگے جائے
ٹولی ہماری دوڑ لگائے
پھاند گئے جو راہ میں آئے
سارے گملوں کو پھوڑا
سارے پودوں کو توڑا
ہم بھی باز نہ آئیں گے
چلے جائیں گے یہ جائے گی جہاں
تتلی کے پیچھے پیچھے
رنگ برنگی ننھی تتلی
اڑتے اڑتے باغ سے نکلی
پربت پربت وادی وادی
کرنوں کی بستی میں پہنچی
خوشبو کی نگری میں پہنچی
دیکھ کے دنگ رہ جائیں گے
ایسا دیس ہم نے دیکھا تھا کہاں
تتلی کے پیچھے پیچھے
اس میں پیار ہی پیار بھرا تھا
پیار کا سورج ابھر رہا تھا
رنگ پروں کا نکھر رہا تھا
سارے تھے دکھ سکھ کے ساتھی
دل میں الفت اور وفا تھی
اب ہم واپس جائیں گے
اور بسائیں گے اک ایسا ہی جہاں
تتلی کے پیچھے پیچھے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
