titliyon ko uDne do

ye titliyāñ kitnī pyārī hotī haiñ

rang-birangī

aur jab ye phūloñ par iThlātī uḌtī haiñ

to kitnī sundar lagtī haiñ

hai na

jaise āñgan meñ beTiyāñ

lekin

beTiyāñ to aur bhī sundar pyārī hotī haiñ

kyūñki vo phuul bhī haiñ titliyāñ bhī

khiltī bhī haiñ ye aur uḌtī bhī haiñ

hai na

ek pitā kī ḳhushiyāñ

bhaa.ī kā pyaar

kisī kā ḳhvāb aur zindagī hotī haiñ

tum sochnā ye haiñ kyā

aur haañ hazāroñ lākhoñ baar sochnā

in par apnī ek nigāh se pahle

jis ke ḳhayāl-bhar se

tum pal-bhar meñ vahshī ho jaate ho

aur bhuul jaate ho

ki tum bhī to kisī ke pitā bhaa.ī yā premī ho

aur nahīñ ho to kabhī ho jaao

aur kahīñ koī un kī taraf

tumhārī vahshī nigāheñ Daale

ḳhair

ye koī duā yā badduā nahīñ hai

maiñ to ye kah rahā huuñ ki titliyoñ ko uḌne do

ye titliyan kitni pyari hoti hain

rang-birangi

aur jab ye phulon par iThlati uDti hain

to kitni sundar lagti hain

hai na

jaise aangan mein beTiyan

lekin

beTiyan to aur bhi sundar pyari hoti hain

kyunki wo phul bhi hain titliyan bhi

khilti bhi hain ye aur uDti bhi hain

hai na

ek pita ki KHushiyan

bhai ka pyar

kisi ka KHwab aur zindagi hoti hain

tum sochna ye hain kya

aur han hazaron lakhon bar sochna

in par apni ek nigah se pahle

jis ke KHayal-bhar se

tum pal-bhar mein wahshi ho jate ho

aur bhul jate ho

ki tum bhi to kisi ke pita bhai ya premi ho

aur nahin ho to kabhi ho jao

aur kahin koi un ki taraf

tumhaari wahshi nigahen Dale

KHair

ye koi dua ya baddua nahin hai

main to ye kah raha hun ki titliyon ko uDne do