chyunTi-bhar aaTa

ham kis dukh se apne makān faroḳht karte haiñ

aur bhuuk ke liye chyūñTī-bhar aaTā ḳharīdte haiñ

hameñ band kamroñ meñ kyuuñ piro diyā gayā hai

ek din kī umr vaale to abhī darvāza taak rahe haiñ

chaal lahū kī buuñd buuñd maañg rahī hai

kisī ko churānā ho to sab se pahle us ke qadam churāo

tum chīthḌe par baiThe zabān pe phuul ho

aur āvāz kor sī kor

insān kā piyāla samundar ke pyāle se miTTī nikāltā hai

miTTī ke saañp banātā hai aur bhuuk pāltā hai

tinke jab shuāoñ kī pyaas na bujhā sake to aag lagī

maiñ ne aag ko dhoyā aur dhuup ko sukhāyā

sūraj jo din kā siina jalā rahā thā

āsmānī rañg se bhar diyā

ab āsmān kī jagah korā kāġhaz bichhā diyā gayā

log mausam se dhokā khāne lage

phir ek aadmī ko toḌ kar maiñ ne sūraj banāyā

logoñ kī poreñ kueñ meñ bhar diiñ

aur āsmān ko dhāga kiyā

kā.enāt ko na.ī karvaT nasīb huī

logoñ ne īñToñ ke makān banānā chhoḌ diye

āñkhoñ kī zabān-darāzī rañg laa.ī

ab ek qadam pe din aur ek qadam pe raat hotī

haal jur.at-e-guzishta hai

aa tere bāloñ se shuāoñ ke ilzām uThā luuñ

tum apnī sūrat pahāḌ kī khoh meñ ishāra kar aa.e

kund havāoñ kā e'tirāf hai

safar eḌī pe khaḌā huā

samundar aur miTTī ne ronā shurūa kar diyā hai

belche aur baazū ko do baazū tasavvur karnā

sūraj āsmān ke kone ke saath laTkā huā thā

aur apnī shuā.eñ apne jism ke gird lapeT rakhī thiiñ

maiñ ne ḳhālī kamre meñ muāfī rakhī

aur merā siina dūsroñ ke darvāze par dhaḌaktā rahā

hum kis dukh se apne makan faroKHt karte hain

aur bhuk ke liye chyunTi-bhar aaTa KHaridte hain

hamein band kamron mein kyun piro diya gaya hai

ek din ki umr wale to abhi darwaza tak rahe hain

chaal lahu ki bund bund mang rahi hai

kisi ko churana ho to sab se pahle us ke qadam churao

tum chithDe par baiThe zaban pe phul ho

aur aawaz kor si kor

insan ka piyala samundar ke pyale se miTTi nikalta hai

miTTi ke sanp banata hai aur bhuk palta hai

tinke jab shuaon ki pyas na bujha sake to aag lagi

main ne aag ko dhoya aur dhup ko sukhaya

suraj jo din ka sina jala raha tha

aasmani rang se bhar diya

ab aasman ki jagah kora kaghaz bichha diya gaya

log mausam se dhoka khane lage

phir ek aadmi ko toD kar main ne suraj banaya

logon ki poren kuen mein bhar din

aur aasman ko dhaga kiya

kaenat ko nai karwaT nasib hui

logon ne inTon ke makan banana chhoD diye

aankhon ki zaban-daraazi rang lai

ab ek qadam pe din aur ek qadam pe raat hoti

haal jurat-e-guzishta hai

aa tere baalon se shuaon ke ilzam uTha lun

tum apni surat pahaD ki khoh mein ishaara kar aae

kund hawaon ka e'tiraf hai

safar eDi pe khaDa hua

samundar aur miTTi ne rona shurua kar diya hai

belche aur bazu ko do bazu tasawwur karna

suraj aasman ke kone ke sath laTka hua tha

aur apni shuaen apne jism ke gird lapeT rakhi thin

main ne KHali kamre mein muafi rakhi

aur mera sina dusron ke darwaze par dhaDakta raha