aurat

mujassam ishva-o-andāz bhī hai

magar aurat jahān-e-rāz bhī hai

sitam-ārā.iyāñ taslīm lekin

nihāyat muḳhlis-o-dam-sāz bhī hai

shakt-e-ārzū kī baat kaisī

hujūm-e-ārzū kā raaz bhī hai

agar kotāh-nazarī ho na haa.il

to shāyad markaz-e-parvāz bhī hai

kahīñ afsāna-e-ishq-o-mohabbat

kahīñ rūdād-e-soz-o-sāz bhī hai

yahī taqdīs-e-maryam zabt-e-sītā

yahī ayyār-o-shāhid-bāz bhī hai

isī se raunaq-e-har-anjuman bhī

yahī har fitne kā āġhāz bhī hai

yahī ganjīna-e-zauq-e-nihānī

mashiyyat kā yahī e.ajāz bhī hai

jahāñ hai sar-ba-sajda ishq ab tak

yahī vo bārgāh-e-nāz bhī hai

fazā-e-al-jazā.ir jis pe qurbāñ

ik aisī pur-asar āvāz bhī hai

ġharz aurat jahān-e-āb-o-gil meñ

zamāna bhī zamāna-sāz bhī hai

mujassam ishwa-o-andaz bhi hai

magar aurat jahan-e-raaz bhi hai

sitam-araiyan taslim lekin

nihayat muKHlis-o-dam-saz bhi hai

shakt-e-arzu ki baat kaisi

hujum-e-arzu ka raaz bhi hai

agar kotah-nazari ho na hail

to shayad markaz-e-parwaz bhi hai

kahin afsana-e-ishq-o-mohabbat

kahin rudad-e-soz-o-saz bhi hai

yahi taqdis-e-maryam zabt-e-sita

yahi ayyar-o-shahid-baz bhi hai

isi se raunaq-e-har-anjuman bhi

yahi har fitne ka aaghaz bhi hai

yahi ganjina-e-zauq-e-nihani

mashiyyat ka yahi eajaz bhi hai

jahan hai sar-ba-sajda ishq ab tak

yahi wo bargah-e-naz bhi hai

faza-e-al-jazair jis pe qurban

ek aisi pur-asar aawaz bhi hai

gharz aurat jahan-e-ab-o-gil mein

zamana bhi zamana-saz bhi hai