tujhe dekhne ke baad

yuuñ lagtā hai

jaise

sub.h kā manzar ufaq ke maile-pan ko dho rahā ho

shaam ke vaqt āsmāñ ne tevar badle hoñ

koī bai-rāgī sāhil pe khaḌā

kisī suufī shā.ir kā kalām gungunātā rahā ho

yuuñ lagtā hai jaise

balcony meñ baiThā

lahlahāte khetoñ kā nazāra karte

koī shā.ir mahv-e-taḳhlīq-e-suḳhan

jis ke zehn se ḳhūb-sūratī bikhertā huā ābshār

mus.haf-e-zamīñ ko chuum rahā ho

yuuñ lagtā hai jaise

mast adāoñ se bal khātī huī koī nadī

sāgar se milne ko be-tāb ho

yuuñ lagtā hai jaise

koī farishta mā.il-e-tabassum

aksar yahī ḳhayāl aatā hai

tujhe dekhne ke ba.ad

yun lagta hai

jaise

subh ka manzar ufaq ke maile-pan ko dho raha ho

sham ke waqt aasman ne tewar badle hon

koi bai-ragi sahil pe khaDa

kisi sufi shair ka kalam gungunata raha ho

yun lagta hai jaise

balcony mein baiTha

lahlahate kheton ka nazara karte

koi shair mahw-e-taKHliq-e-suKHan

jis ke zehn se KHub-surati bikherta hua aabshaar

mushaf-e-zamin ko chum raha ho

yun lagta hai jaise

mast adaon se bal khati hui koi nadi

sagar se milne ko be-tab ho

yun lagta hai jaise

koi farishta mail-e-tabassum

aksar yahi KHayal aata hai

tujhe dekhne ke baad