tujhe tahrir kiya

ek ik harf sajā kar tujhe tahrīr kiyā

ḳhuun kī nadiyāñ bahā kar tujhe tahrīr kiyā

dard meñ umr bitā kar tujhe tahrīr kiyā

ab to kahtā hai mirā koī bhī kirdār nahīñ

merā kiyā hai, maiñ unhī rāstoñ meñ rahtā huuñ

mujh ko ye hukm hai jaa, jā ke pattharoñ ko tarāsh

maiñ azal se isī ik kaam meñ laayā gayā huuñ

maiñ kabhī piir, payambar, kabhī shā.er kī sifat

tere be-faiz zamāne meñ utārā gayā huuñ

maiñ to bahtā huā dariyā huuñ, samundar bhī huuñ

maiñ to jugnū bhī huuñ, titlī bhī huuñ, ḳhushbū bhī huuñ

maiñ to jis rañg meñ bhī aayā huuñ, chhāyā gayā huuñ

tū agar mujh ko na samjhā to ai mere hamdam

maiñ kisī roz tire haath se kho jā.ūñgā

aur tū vaqt ke tapte hue sahrāoñ meñ

haath maltā huā rotā huā rah jā.egā

ek ek harf saja kar tujhe tahrir kiya

KHun ki nadiyan baha kar tujhe tahrir kiya

dard mein umr bita kar tujhe tahrir kiya

ab to kahta hai mera koi bhi kirdar nahin

mera kiya hai, main unhi raston mein rahta hun

mujh ko ye hukm hai ja, ja ke pattharon ko tarash

main azal se isi ek kaam mein laya gaya hun

main kabhi pir, payambar, kabhi shaer ki sifat

tere be-faiz zamane mein utara gaya hun

main to bahta hua dariya hun, samundar bhi hun

main to jugnu bhi hun, titli bhi hun, KHushbu bhi hun

main to jis rang mein bhi aaya hun, chhaya gaya hun

tu agar mujh ko na samjha to ai mere hamdam

main kisi roz tere hath se kho jaunga

aur tu waqt ke tapte hue sahraon mein

hath malta hua rota hua rah jaega