مجھے گوشت کی تھالی سمجھ کر
چیل کی طرح جھپٹا مارتے ہو
اسے میں پیار سمجھوں
اتنی بھولی میں نہیں ہوں
مجھ سے تمہارا موہ ایسا ہے
جیسا بلی کا چھیچھڑے سے
اس کو میں پیار سمجھوں
اتنی بھولی میں نہیں ہوں
میرے بدن کو کھلونا جان کر
مرضی ہو تو کھیلو مرضی ہو تو توڑ ڈالو
اسے میں پیار سمجھوں
اتنی بھولی میں نہیں ہوں
میں تمہارے شو کیس میں سجائی گڑیا
کتنی بھی اس کی تعریف کرو
اسے میں پیار سمجھوں
اتنی بھولی نہیں ہوں میں
رسموں کی نائکہ مجھے ویشیا بنائے
اور نچائے تمہاری خواہشوں کے چکلے میں
اسے میں پیار سمجھوں
اتنی بھولی میں نہیں ہوں
- کتاب : Jalta Hai Badan (Pg. 99)
- Author : Zahid Hasan
- مطبع : Apnaidara, Lahore (2002)
- اشاعت : 2002
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
