tum hi batao

tumhārī tahrīr paḌhte paḌhte

kahīñ kahīñ pe aTak rahā huuñ

kahīñ pe likhā hai tum ne shāyad

ki mere baare na itnā soch

vo shāyad ki socho hī likkhā hogā

kahīñ kahīñ pe likhā hai tum ne

ki mujh se duur rakkho zarā tum

yaqīnan vo duurī hī likkhā hogā

kahīñ pe ye bhī likhā hai tum ne

maiñ apnī manzil talā luuñ ab

vo shāyad talāsh hī likkhā hogā

magar ye saare hī lafz haiñ dhuñdle

ki likhte likhte tumhārī āñkhoñ se

dard ke qatre chhalak rahe the

mujhe batāo ki aise adhūre

likhe haiñ to

maiñ aise kaise

haqīqatoñ kā rang de duuñ

tum hī batāo

ye kaise hogā

tumhaari tahrir paDhte paDhte

kahin kahin pe aTak raha hun

kahin pe likha hai tum ne shayad

ki mere bare na itna soch

wo shayad ki socho hi likkha hoga

kahin kahin pe likha hai tum ne

ki mujh se dur rakkho zara tum

yaqinan wo duri hi likkha hoga

kahin pe ye bhi likha hai tum ne

main apni manzil tala lun ab

wo shayad talash hi likkha hoga

magar ye sare hi lafz hain dhundle

ki likhte likhte tumhaari aankhon se

dard ke qatre chhalak rahe the

mujhe batao ki aise adhure

likhe hain to

main aise kaise

haqiqaton ka rang de dun

tum hi batao

ye kaise hoga