tum ho

us qalamkār ne jis fikr ko paikar baḳhshā

usī paikar ke ḳhayālāt kā hissa tum ho

mujh ko bhī denī hai ik baar anal-haq kī sadā

aisā lagtā hai ki har qatre meñ barpā tum ho

raushnī letī hai tum se mirī tārīk hayāt

mujhe kyā ġham ki bahar-hāl dilāsā tum ho

'ain mumkin hai ki duniyā tumheñ afsāna kahe

par haqīqat kī tarah mujh pe huvaidā tum ho

jalva-e-tūr kī muusā hī haqīqat jāneñ

mirī shah-rag meñ usī tarh se barpā tum ho

jis ke dam se hai mire jism-o-dil-o-jāñ kī bahār

gulshan-e-dil meñ khilā vo gul-e-rā'nā tum ho

zindagī saada hai tum saada ho maiñ bhī saada

chalo achchhā hai darūn-e-dil-e-sāda tum ho

us qalamkar ne jis fikr ko paikar baKHsha

usi paikar ke KHayalat ka hissa tum ho

mujh ko bhi deni hai ek bar anal-haq ki sada

aisa lagta hai ki har qatre mein barpa tum ho

raushni leti hai tum se meri tarik hayat

mujhe kya gham ki bahar-haal dilasa tum ho

'ain mumkin hai ki duniya tumhein afsana kahe

par haqiqat ki tarah mujh pe huwaida tum ho

jalwa-e-tur ki musa hi haqiqat jaanen

meri shah-rag mein usi tarh se barpa tum ho

jis ke dam se hai mere jism-o-dil-o-jaan ki bahaar

gulshan-e-dil mein khila wo gul-e-ra'na tum ho

zindagi sada hai tum sada ho main bhi sada

chalo achchha hai darun-e-dil-e-sada tum ho