تم مجھے نہیں پاؤ گے

تم سب لوگ مجھے قطرہ قطرہ دریا میں بہا دو

میرے وجود کو تار تار کرکے دیکھو

پھر بھی تمہیں میری روح تک پہنچنے کے لیے اپنی کمیں گاہوں کے

رستے سے گزرنا ہوگا

تم مجھے نہیں پاؤ گے

اس لیے کہ میں تم میں سے نہیں ہوں

مجھے تمہارے گھر صرف ایک آبزرور کی حیثیت سے رکھا گیا ہے

تاکہ تمہاری منافقتوں کی رپورٹ

تم سے بڑی منسٹری کو بھیج سکوں

ان کو جو اسی بات کا کھاتے ہیں کہ لوگوں کو اتنا تنگ کرو

کہ وہ تمہارے لیول پر آ کر جینا شروع کر دیں