tum to bachche nahin

tum maro

tum to bachche nahīñ

tum to masjid ke qaidī ho qur.ān paḌte raho

sajde karte raho

ye jo paikar tumhārā hai is meñ lahū kī jagah zahr hai

ye jo mandir meñ bachche humakte haiñ bachche nahīñ

ye kalīsā meñ be-dāġh bachche bhī bachche nahīñ

ye jo maslak kī khetī meñ khulte haiñ bachche ye bachche nahīñ

apne pomī ko dekh aa.uuñ maiñ

call aa.ī hai schōl se

nannhī bachchī se laḌte hue gir paḌā hai vahāñ

aur ab kuchh ḳharāshoñ se behosh hai

ghar meñ lā kar use

ek taqrīb meñ bhī pahuñchnā hai jaldī mujhe

aur paḌhnā hai mazmūn jis kā hai unvāñ hamārī na.ī nasl ke ḳhvāb parvān kaise chaḌheñ

tum maro

tum to bachche nahin

tum to masjid ke qaidi ho quran paDte raho

sajde karte raho

ye jo paikar tumhaara hai is mein lahu ki jagah zahr hai

ye jo mandir mein bachche humakte hain bachche nahin

ye kalisa mein be-dagh bachche bhi bachche nahin

ye jo maslak ki kheti mein khulte hain bachche ye bachche nahin

apne pomi ko dekh aaun main

call aai hai school se

nannhi bachchi se laDte hue gir paDa hai wahan

aur ab kuchh KHarashon se behosh hai

ghar mein la kar use

ek taqrib mein bhi pahunchna hai jaldi mujhe

aur paDhna hai mazmun jis ka hai unwan hamari nai nasl ke KHwab parwan kaise chaDhen