tumhaara nam
kyā tumhārā naam ain se shurūa hotā hai
maiñ luġhat khañgāl rahā huuñ kisī ishva-sāz kā naam nahīñ mil rahā
kyā tum ne apnā naam chhupā diyā
kyā tumhārā naam shiin se shurūa hotā hai
maiñ nazmeñ paḌh rahā huuñ kisī sho.ala-ruḳh kā naam nahīñ mil rahā
kyā tum ne shā.iroñ ko jalva nahīñ dikhāyā
kyā tumhārā naam qaaf se shurūa hotā hai
maiñ sahīfe dekh rahā huuñ kisī qayāmat-ḳhirām kā naam nahīñ mil rahā
ḳhudā tumhārā naam lenā bhuul gayā
maiñ ain shiin aur qaaf ko milā kar tumhārā naam banā letā huuñ
aaj se tum merā ishq ho
kya tumhaara nam ain se shurua hota hai
main lughat khangal raha hun kisi ishwa-saz ka nam nahin mil raha
kya tum ne apna nam chhupa diya
kya tumhaara nam shin se shurua hota hai
main nazmen paDh raha hun kisi shoala-ruKH ka nam nahin mil raha
kya tum ne shairon ko jalwa nahin dikhaya
kya tumhaara nam qaf se shurua hota hai
main sahife dekh raha hun kisi qayamat-KHiram ka nam nahin mil raha
KHuda tumhaara nam lena bhul gaya
main ain shin aur qaf ko mila kar tumhaara nam bana leta hun
aaj se tum mera ishq ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
