tumhaare aane ke baad

tumhāre aane se pahle

kunjī taale meñ

ghūmtī hai

tumhāre dāḳhil hone kī āvāz aatī hai

tum dhamāke-dār paañv

rakhte hue

āhista se yā kabhī tezī se

kamre meñ kahīñ kisī taraf

jaate hue

phir thoḌī dair tak

vahīñ khaḌe rahte ho

shāyad mere sākit jism ko

dekhte ho

jo tumhārī harakat kī āvāz par

kaan lagā.e paḌā hotā hai

kabhī be-ḳhabarī meñ

kabhī āgāh

phir tum paanī piite ho

yā nahīñ piite

thoḌe vaqfe tak

ḳhāmoshī rahtī hai

ghaḌī kī Tik Tik ke darmiyān

tumhāre nivāle chabāne kī āvāz

sunā.ī detī hai

aur kabhī ye āvāz mere jism ke

gard ghūmne lagtī hai

aur meñ be-ḳhabar

aur kabhī āgāh

tumhārī nivāle chabāne kī āvāz meñ

shāmil ho jaatī huuñ

tumhaare aane se pahle

kunji tale mein

ghumti hai

tumhaare daKHil hone ki aawaz aati hai

tum dhamake-dar panw

rakhte hue

aahista se ya kabhi tezi se

kamre mein kahin kisi taraf

jate hue

phir thoDi dair tak

wahin khaDe rahte ho

shayad mere sakit jism ko

dekhte ho

jo tumhaari harakat ki aawaz par

kan lagae paDa hota hai

kabhi be-KHabari mein

kabhi aagah

phir tum pani pite ho

ya nahin pite

thoDe waqfe tak

KHamoshi rahti hai

ghaDi ki Tik Tik ke darmiyan

tumhaare niwale chabane ki aawaz

sunai deti hai

aur kabhi ye aawaz mere jism ke

gard ghumne lagti hai

aur mein be-KHabar

aur kabhi aagah

tumhaari niwale chabane ki aawaz mein

shamil ho jati hun