tumhaare baad

qamīz ulTī pahan letā huuñ vahshat meñ

kabhī juutā nahīñ miltā

ka.ī rangoñ ke moze haiñ magar achchhe nahīñ lagte

udhaḌtī jā rahī hai shirt jīvan kī tarah

gardan se le kar āstīnoñ tak

bichhaḌne se zarā pahle

jo tāriq road se ham ne ḳharīdī thī

tumhāre baa'd kaifiyyat badaltī jā rahī hai rakh-rakhāv kī

patā chaltā nahīñ kuchh din guzarne kā na mausam ke badalne kā

tumhāre haath se likkhe hue ḳhat paḌhtā rahtā huuñ

lifāfe par ḳhud apnā naam likh kar post kar detā huuñ dobāra

aur is ke baa'd din-bhar Dākiye kī raah taktā huuñ

qamiz ulTi pahan leta hun wahshat mein

kabhi juta nahin milta

kai rangon ke moze hain magar achchhe nahin lagte

udhaDti ja rahi hai shirt jiwan ki tarah

gardan se le kar aastinon tak

bichhaDne se zara pahle

jo tariq road se hum ne KHaridi thi

tumhaare ba'd kaifiyyat badalti ja rahi hai rakh-rakhaw ki

pata chalta nahin kuchh din guzarne ka na mausam ke badalne ka

tumhaare hath se likkhe hue KHat paDhta rahta hun

lifafe par KHud apna nam likh kar post kar deta hun dobara

aur is ke ba'd din-bhar Dakiye ki rah takta hun