tumhaari aankhen shararti hain

tumhārī āñkheñ sharārtī haiñ

tum apne pīchhe chhupe hue ho

baġhaur dekhūñ tumheñ to mujh ko

sharāratoñ par ubhārtī haiñ

tumhārī āñkheñ sharārtī haiñ

lahū ko sho.ala-ba-dast kar deñ

ye pattharoñ ko bhī mast kar deñ

hayāt kī sūkhtī rutoñ meñ

bahār kā band-o-bast kar deñ

kabhī gulābī kabhī sunahrī

samundaroñ se ziyāda gahrī

tahoñ meñ apnī utārtī haiñ

tumhārī āñkheñ sharārtī haiñ

hayā bhī hai un meñ shoḳhiyāñ bhī

ye raaz bhī apnī tarjumāñ bhī

riyāsat-e-husn-o-ishq kī haiñ

re.āyā bhī aur hukmarāñ bhī

vo kho gayā ye milī haiñ jis ko

ye jītnā chāhtī hai jis ko

usī se dar-asal hārtī haiñ

tumhārī āñkheñ sharārtī haiñ

kashish kā vo dā.era banā.eñ

havās jis se nikal na paa.eñ

maiñ apne andar bikhar sā jā.ūñ

sameTne bhī na mujh ko aa.eñ

ajab hai anjān-pan bhī un kā

maiñ un kā aur merā fan bhī un kā

ḳhamosh rah kar pukārtī haiñ

tumhārī āñkheñ sharārtī haiñ

tumhaari aankhen shararti hain

tum apne pichhe chhupe hue ho

baghaur dekhun tumhein to mujh ko

shararaton par ubhaarti hain

tumhaari aankhen shararti hain

lahu ko shoala-ba-dast kar den

ye pattharon ko bhi mast kar den

hayat ki sukhti ruton mein

bahaar ka band-o-bast kar den

kabhi gulabi kabhi sunahri

samundaron se ziyaada gahri

tahon mein apni utarti hain

tumhaari aankhen shararti hain

haya bhi hai un mein shoKHiyan bhi

ye raaz bhi apni tarjuman bhi

riyasat-e-husn-o-ishq ki hain

reaya bhi aur hukmaran bhi

wo kho gaya ye mili hain jis ko

ye jitna chahti hai jis ko

usi se dar-asal haarti hain

tumhaari aankhen shararti hain

kashish ka wo daera banaen

hawas jis se nikal na paen

main apne andar bikhar sa jaun

sameTne bhi na mujh ko aaen

ajab hai anjaan-pan bhi un ka

main un ka aur mera fan bhi un ka

KHamosh rah kar pukarti hain

tumhaari aankhen shararti hain