TuT baTuT ke chuhe

ham chūhe TuuT baTūT ke haiñ

ham chūhe TuuT baTūT ke haiñ

ye jitne chūhe dekhte ho

kuchh gaañv ke haiñ kuchh jangal ke

kuchh rahne vaale jehlam ke

kuchh baasī kaththo nangal ke

kuchh laDDan kuchh mamdūT ke haiñ

ham chūhe TuuT baTūT ke haiñ

ham shāhī nasl ke chūhe haiñ

ye taḳht aur taaj hamārā hai

har gaañv meñ apnī shāhī hai

har shahr meñ raaj hamārā hai

ham raaje shāhī coat ke haiñ

ham chūhe TuuT baTūT ke haiñ

ham baḌe hī kaam ke chūhe haiñ

ye sher miyāñ kis kaam kā hai

ham aslī sher bahādur haiñ

ye sher bahādur naam kā hai

ham faujī shāhī coat ke haiñ

ham chūhe TuuT baTūT ke haiñ

tum jānte ho ye bī maano

kyoñ myā.un myā.un kartī hai

ye billī ham se dabtī hai

ye billī ham se Dartī hai

ham bille bāġhaḌ booT ke haiñ

ham chūhe TuuT baTūT ke haiñ

yuuñ zāhir meñ kamzor haiñ ham

par jab bhī mauj meñ aate haiñ

ye kutte gīdaḌ chiiz haiñ kyā

ham sher ko bhī khā jaate haiñ

ham chūhe TuuT baTūT ke haiñ

ham chūhe TuuT baTūT ke haiñ

hum chuhe TuT baTuT ke hain

hum chuhe TuT baTuT ke hain

ye jitne chuhe dekhte ho

kuchh ganw ke hain kuchh jangal ke

kuchh rahne wale jehlam ke

kuchh basi kaththo nangal ke

kuchh laDDan kuchh mamduT ke hain

hum chuhe TuT baTuT ke hain

hum shahi nasl ke chuhe hain

ye taKHt aur taj hamara hai

har ganw mein apni shahi hai

har shahr mein raj hamara hai

hum raje shahi coat ke hain

hum chuhe TuT baTuT ke hain

hum baDe hi kaam ke chuhe hain

ye sher miyan kis kaam ka hai

hum asli sher bahadur hain

ye sher bahadur nam ka hai

hum fauji shahi coat ke hain

hum chuhe TuT baTuT ke hain

tum jaante ho ye bi mano

kyon myaun myaun karti hai

ye billi hum se dabti hai

ye billi hum se Darti hai

hum bille baghaD booT ke hain

hum chuhe TuT baTuT ke hain

yun zahir mein kamzor hain hum

par jab bhi mauj mein aate hain

ye kutte gidaD chiz hain kya

hum sher ko bhi kha jate hain

hum chuhe TuT baTuT ke hain

hum chuhe TuT baTuT ke hain