الجھتی رہتی ہوں

الجھتی رہتی ہوں یہ سوچ سوچ کر اکثر

میں کس بنا پہ ابھی تجھ سے پیار کرتی ہوں

ہزار بار خطا تجھ سے کھائی ہے پھر بھی

ابھی تلک میں ترا اعتبار کرتی ہوں

نہ جانے کتنی عمر چاہیے ابھی مجھ کو

تمہاری ذات کے اسرار جاننے کے لیے

میں کیا کروں کہ مجھے حوصلہ نہیں ہوتا

اس ایک تلخ حقیقت کو ماننے کے لیے

کہ تو کبھی بھی مرا خواب بن نہیں سکتا

بڑا تضاد ہے خوابوں میں اور حقیقت میں

میں انتہا پسند ہوں محبت میں جبکہ تو شاید

ہے رکھتا ایک توازن کی حد محبت میں