ulTa chakkar

ajiib chakkar koī chalā hai

jo shai jahāñ se uThānā chāhī

uThā na paa.e

jahāñ jo rakkhā vahāñ vo rakkhā nahīñ rahā hai

jo likhnā chāhā vo likh na paa.e

tamām chakkar ulaT chalā hai

jo ḳhvāb ke dā.ere se bāhar thā us ne āñkhoñ se bair rakkhā

dil-o-nazar meñ jise jagah dī vo ḳhvāb ban kar bikhar gayā hai

nasīb meñ jo nahīñ thā us kī talāsh meñ zindagī lagā dī

jo haath meñ thā vo be-ḳhudī meñ diyā hai

jo baat kahnī thī us kī himmat juTā na paa.e

jo lab pe aayā vo harf hī ġhair ho gayā hai

ajib chakkar koi chala hai

jo shai jahan se uThana chahi

uTha na pae

jahan jo rakkha wahan wo rakkha nahin raha hai

jo likhna chaha wo likh na pae

tamam chakkar ulaT chala hai

jo KHwab ke daere se bahar tha us ne aankhon se bair rakkha

dil-o-nazar mein jise jagah di wo KHwab ban kar bikhar gaya hai

nasib mein jo nahin tha us ki talash mein zindagi laga di

jo hath mein tha wo be-KHudi mein diya hai

jo baat kahni thi us ki himmat juTa na pae

jo lab pe aaya wo harf hi ghair ho gaya hai