unhen sab se mohabbat hai

vatan se pyaar hai jin ko unheñ sab se mohabbat hai

vo karte haiñ mohabbat apne ghar ke rahne vāloñ se

unheñ ārām de kar ḳhud musībat sahne vāloñ se

buzurgoñ se aqīdat hai unheñ bachchoñ se ulfat hai

ġharīboñ se amīroñ se unheñ sab se mohabbat hai

vatan se pyaar hai jin ko unheñ sab se mohabbat hai

mohabbat hai parindoñ se unheñ peḌoñ se hai raġhbat

unheñ hariyālī bhātī hai unheñ khetoñ se hai raġhbat

unheñ gujrāt se madras se bañgāl se raġhbat

unheñ kashmīr ke shimla ke snowfall se raġhbat

vatan se pyaar hai jin ko unheñ sab se mohabbat hai

unheñ ye dhuup ye bādal ye varshā achchhī lagtī hai

unheñ shāḳhoñ pe koyal ghar meñ chiḌiyā achchhī lagtī hai

unheñ dariyāoñ meñ kashtī chalānā achchhā lagtā hai

unheñ jharnoñ ke paanī meñ nahānā achchhā lagtā hai

vatan se pyaar hai jin ko unheñ sab se mohabbat hai

watan se pyar hai jin ko unhen sab se mohabbat hai

wo karte hain mohabbat apne ghar ke rahne walon se

unhen aaram de kar KHud musibat sahne walon se

buzurgon se aqidat hai unhen bachchon se ulfat hai

gharibon se amiron se unhen sab se mohabbat hai

watan se pyar hai jin ko unhen sab se mohabbat hai

mohabbat hai parindon se unhen peDon se hai raghbat

unhen hariyali bhati hai unhen kheton se hai raghbat

unhen gujraat se madras se bangal se raghbat

unhen kashmir ke shimla ke snowfall se raghbat

watan se pyar hai jin ko unhen sab se mohabbat hai

unhen ye dhup ye baadal ye warsha achchhi lagti hai

unhen shaKHon pe koyal ghar mein chiDiya achchhi lagti hai

unhen dariyaon mein kashti chalana achchha lagta hai

unhen jharnon ke pani mein nahana achchha lagta hai

watan se pyar hai jin ko unhen sab se mohabbat hai