unwan muhajir

yahāñ par sab muhājir haiñ

ye denā ik sarā.e hai

sarā.e kā agar matlab tumheñ ma.alūm ho jaa.e

tum apnī ḳhvāhishāt-e-qalb ko dafnā ke rakkhoge

ibādat ke kafan se ruuh ko kafnā ke rakkhoge

sarā.e lafz kā matlab luġhat meñ mil hī jā.egā

agar tum paḌh nahīñ sakte suno phir maiñ batātā huuñ

sarā.e us ko kahte haiñ

jahāñ manzil ko paane kī tamanna meñ muhājir Thahar jaate haiñ

karoḌoñ roz aate haiñ karoḌoñ roz jaate haiñ

jahāñ par mustaqil rahne kī hasrat sab ko hotī hai

magar koī jahāñ par mustaqil rah hī nahīñ saktā

kise kis vaqt aanā hai kise kis vaqt jaanā hai

jahāñ par sab muqarrar ho

kyā tum ab bhī nahīñ samjhe

ye duniyā ik sarā.e hai jo faanī hai

ye sab miT jaane vaalā hai

hamesha baaqī rahne kā tasavvur kar nahīñ sakte

hamesha baaqī rahne kī jo bāteñ karte rahte the

jo apne aap ko mālik batāte the sarā.e kā

na jaane aise kitne nāmvar hijrat yahāñ se kar chuke pyāre

yahāñ se ik na ik din sab ko hijrat kar ke jaanā hai

koī pahle to koī baa'd meñ lekin yahī sach hai

koī samjhe yā na samjhe

magar merī samajh meñ aa gayā 'mahvar'

yahāñ par sab muhājir haiñ

ye duniyā ik sarā.e hai

yahan par sab muhajir hain

ye dena ek sarae hai

sarae ka agar matlab tumhein malum ho jae

tum apni KHwahishat-e-qalb ko dafna ke rakkhoge

ibaadat ke kafan se ruh ko kafna ke rakkhoge

sarae lafz ka matlab lughat mein mil hi jaega

agar tum paDh nahin sakte suno phir main batata hun

sarae us ko kahte hain

jahan manzil ko pane ki tamanna mein muhajir Thahar jate hain

karoDon roz aate hain karoDon roz jate hain

jahan par mustaqil rahne ki hasrat sab ko hoti hai

magar koi jahan par mustaqil rah hi nahin sakta

kise kis waqt aana hai kise kis waqt jaana hai

jahan par sab muqarrar ho

kya tum ab bhi nahin samjhe

ye duniya ek sarae hai jo fani hai

ye sab miT jaane wala hai

hamesha baqi rahne ka tasawwur kar nahin sakte

hamesha baqi rahne ki jo baaten karte rahte the

jo apne aap ko malik batate the sarae ka

na jaane aise kitne namwar hijrat yahan se kar chuke pyare

yahan se ek na ek din sab ko hijrat kar ke jaana hai

koi pahle to koi ba'd mein lekin yahi sach hai

koi samjhe ya na samjhe

magar meri samajh mein aa gaya 'mahwar'

yahan par sab muhajir hain

ye duniya ek sarae hai