urdu hindi

urdu zabāñ kā sher ho hindī kā yā bachan

jauhar-shanās ke liye yaksāñ hai har suḳhan

suufī manāyā aaj yuuñ urdu kā yaum hai

zinda zabāñ hai jis kī vahī zinda qaum hai

miTne na paa.e urdu zabāñ desh se kabhī

har-dil-azīz ye rahe aa.e na kuchh kamī

urdu o hindī donoñ hī māñ-jā.ī do bahan

donoñ hasīñ haiñ donoñ kī ye ek sī phaban

haiñ māder-e-vatan ke liye donoñ sīm-tan

maañ kī nazar meñ donoñ kī hai dīdanī phaban

donoñ ke rang-rūp se gulzār hai chaman

ik ek se ziyāda hai ik ek kī phaban

bāġh-e-vatan meñ yāsmīñ hai ek yāsman

donoñ ke bū se miTte haiñ ranj-o-ġham-o-mehan

donoñ se bāġhbāñ kī mohabbat hai ek sī

gulchīñ se is liye use hai saḳht dushmanī

jism-e-ḳhayāl ke liye donoñ haiñ pairahan

qaid-e-libās hai abas sundar ho gar badan

miT jaa.e urdu ho nahīñ saktā hai ye kabhī

ye koshish-e-nāpāk hai be-sūd ai 'sūfī'

urdu zaban ka sher ho hindi ka ya bachan

jauhar-shanas ke liye yaksan hai har suKHan

sufi manaya aaj yun urdu ka yaum hai

zinda zaban hai jis ki wahi zinda qaum hai

miTne na pae urdu zaban desh se kabhi

har-dil-aziz ye rahe aae na kuchh kami

urdu o hindi donon hi man-jai do bahan

donon hasin hain donon ki ye ek si phaban

hain mader-e-watan ke liye donon sim-tan

man ki nazar mein donon ki hai didani phaban

donon ke rang-rup se gulzar hai chaman

ek ek se ziyaada hai ek ek ki phaban

bagh-e-watan mein yasmin hai ek yasman

donon ke bu se miTte hain ranj-o-gham-o-mehan

donon se baghban ki mohabbat hai ek si

gulchin se is liye use hai saKHt dushmani

jism-e-KHayal ke liye donon hain pairahan

qaid-e-libas hai abas sundar ho gar badan

miT jae urdu ho nahin sakta hai ye kabhi

ye koshish-e-napak hai be-sud ai 'sufi'